ભારતે UNમાં પાકિસ્તાન પર કર્યા આકરા પ્રહાર, કહ્યું-Pokમાં પાકિસ્તાન અત્યાચાર કરવાનું બંધ કરે

• UNGA PoK :ભારતે પાકિસ્તાનને UN મા લગાવી ફટકાર
• Pok મામલે ભારતે પાકિસ્તાન પર કર્યા પ્રહાર
• Pokમાં પાકિસ્તાન અત્યાચાર કરવાનું બંધ કરે

સંયુક્ત રાષ્ટ્ર મહાસભા (UNGA) માં ભારતે પાકિસ્તાનના બેવડા વલણ અને જમ્મુ-કાશ્મીર માં તેના દ્વારા આચરવામાં આવતા ગંભીર માનવાધિકાર ઉલ્લંઘન અંગે સખ્ત વલણ અપનાવ્યું છે. ભારતે પાકિસ્તાન-કબજાગ્રસ્ત કાશ્મીર (PoK) ના એવા વિસ્તારોમાં અત્યાચાર તાત્કાલિક બંધ કરવાની માંગ કરી છે, જ્યાં સ્થાનિક લોકો હવે ખુલ્લેઆમ પાકિસ્તાની કબજા સામે અવાજ ઉઠાવી રહ્યા છે. ભારતના UN મિશનના પહેલા સચિવ ભાવિકા મંગલાનંદને શુક્રવારે જણાવ્યું હતું કે, "છેલ્લા કેટલાક અઠવાડિયામાં, પાકિસ્તાની સૈન્ય અને તેના પ્રોક્સી આતંકવાદીઓએ તેમના મૂળભૂત અધિકારો અને સ્વતંત્રતાઓની માંગ કરતા નિર્દોષ નાગરિકોની હત્યા કરી છે.

UNGA PoK:  Pokમાં પાકિસ્તાન અત્યાચાર કરવાનું બંધ કરે

મંગલાનંદને પાકિસ્તાનને આગ્રહ કર્યો, "અમે પાકિસ્તાનને અપીલ કરીએ છીએ કે તે કબજા હેઠળના કાશ્મીરમાં ચાલી રહેલા માનવાધિકાર ઉલ્લંઘનોને તાત્કાલિક બંધ કરે, જ્યાં લોકો લશ્કરી કબજા, દમન અને સંસાધનોના શોષણ સામે બળવો કરી રહ્યા છે."સંયુક્ત રાષ્ટ્રમાં પાકિસ્તાન દ્વારા સતત ભારત વિરોધી નિવેદનો આપવા બદલ આકરા પ્રહાર કરતા તેમણે કહ્યું, "વારંવાર બોલાતા જૂઠાણા વાસ્તવિકતા કે સત્યને બદલતા નથી." તેમણે પાકિસ્તાનની બેવડા વલણ અને દંભને ગંભીરતાથી ન લેવાનો પણ ઉલ્લેખ કર્યો.ભારતે સ્પષ્ટ કર્યું કે કાશ્મીરમાં લોકોની લોકશાહી ભાગીદારી ભારતના લોકશાહીની શક્તિને પ્રતિબિંબિત કરે છે અને "ભારત અને જમ્મુ અને કાશ્મીરના લોકોને બદનામ કરવાનો પાકિસ્તાનનો પ્રયાસ નિષ્ફળ ગયો છે."

UNGA PoK: સચિવ ભાવિકા મંગલાનંદને પાકિસ્તાનને લગાવી ફટકાર

ભાવિકા મંગલાનંદને 'સ્વ-નિર્ણયના સિદ્ધાંત' અંગે પાકિસ્તાનના ખોટા રજૂઆતનો પર્દાફાશ કર્યો. તેમણે યુએન સુરક્ષા પરિષદના ઠરાવ 47 (એપ્રિલ 1948) નો ઉલ્લેખ કર્યો, જેણે સ્પષ્ટપણે પાકિસ્તાનને પહેલા કાશ્મીરમાંથી તેના સૈનિકો અને નાગરિકોને પાછા ખેંચવાનો આદેશ આપ્યો હતો. તેમણે ઉમેર્યું કે પાકિસ્તાન આજ સુધી તેનું ઉલ્લંઘન કરી રહ્યું છે અને ગેરકાયદેસર રીતે કાશ્મીરના ભાગો પર કબજો જાળવી રાખ્યો છે.ભારતે જમ્મુ અને કાશ્મીર અને લદ્દાખને ભારતના અભિન્ન અને અવિભાજ્ય ભાગો તરીકે પુનરોચ્ચાર કર્યો.મંગલાનંદને ભારપૂર્વક જણાવ્યું કે માનવ અધિકારો પ્રત્યે ભારતની પ્રતિબદ્ધતા મહાત્મા ગાંધીની અહિંસા અને સમાનતાની વિચારધારાથી પ્રેરિત છે. ભારતીય બંધારણ આ સિદ્ધાંતોને સમર્થન આપે છે, અને દેશમાં કાયદાઓ, યોજનાઓ, તેમજ રાષ્ટ્રીય અને રાજ્ય કમિશનો દ્વારા નાગરિકોના મૂળભૂત અધિકારોનું રક્ષણ કરવામાં આવે છે, જેને ન્યાયતંત્ર વધુ મજબૂત બનાવે છે.

આ પણ વાંચો:Andhra Pradesh Stampede : વેંકટેશ્વર સ્વામી મંદિરમાં ભાગદોડ! 9 ભક્તોના મોત, અનેક ઘાયલ; મુખ્યમંત્રીએ