ટેસ્ટ, ODI, અને T20I ત્રણેય ફોર્મેટમાં સદી ફટકારનાર છઠ્ઠો ખેલાડી બન્યો યશસ્વી જયસ્વાલ
- યશસ્વી જયસ્વાલે નવો રેકોર્ડ પોતાને નામ કર્યો
- ક્રિકેટના ત્રણેય ફોર્મેટમાં સદી ફટકારનાર છઠ્ઠો ખેલાડી બન્યો
- ODI માં ભારતીય ખેલાડીઓએ અનેક રેકોર્ડ બનાવ્યા
Yashasvi Jaiswal Hundred : ટીમ ઈન્ડિયાના સ્ટાર યુવા બેટ્સમેન યશસ્વી જયસ્વાલે દક્ષિણ આફ્રિકા સામેની ત્રીજી વનડેમાં શાનદાર સદી ફટકારી હતી. યશસ્વીની વનડેની કારકિર્દીની આ પહેલી સદી છે. આ સાથે, તે ભારત માટે ત્રણેય ફોર્મેટમાં 100 રન બનાવનાર છઠ્ઠો બેટ્સમેન બન્યો છે. ત્રણ મેચની શ્રેણીમાં યશસ્વીનું બેટ અત્યાર સુધી ફોર્મમાં નહોતું. તે પહેલી વનડેમાં ખાતું ખોલવામાં નિષ્ફળ ગયો, અને બીજી મેચમાં 18 રન બનાવ્યા હતા. હવે, તેણે ત્રીજી મેચમાં જોરદાર પ્રદર્શન કર્યું છે. જયસ્વાલે રોહિત શર્મા સાથે પ્રથમ વિકેટ માટે 155 રન ઉમેર્યા હતા. ત્યારબાદ તેણે વિરાટ કોહલી સાથે શાનદાર ભાગીદારી કરી હતી.
View this post on Instagram
રોહિત અને કોહલી સાથે ભાગીદારી
દક્ષિણ આફ્રિકાએ ભારત માટે 271 રનનો લક્ષ્યાંક રાખ્યો હતો, જેને રોહિત શર્મા અને યશસ્વી જયસ્વાલે નાનો બનાવ્યો હતો. લક્ષ્યનો પીછો કરતા, યશસ્વી અને રોહિતે ટીમને સારી શરૂઆત આપી હતી. કેશવ મહારાજે રોહિત શર્માને આઉટ કરીને ભારતીય ટીમને પહેલો ફટકો આપ્યો હતો. બંનેએ 155 રનની ભાગીદારી કરી હતી. રોહિતે 73 બોલમાં 75 રન બનાવ્યા હતા, જેમાં 7 ચોગ્ગા અને 3 છગ્ગા ફટકાર્યા હતા. રોહિત આઉટ થયો, ત્યાં સુધીમાં તે પોતાની ટીમને જીત તરફ દોરી ગયો હતો.
યશસ્વી, વિરાટ અને રોહિતના ક્લબમાં જોડાયો
રોહિત શર્માના આઉટ થયા પછી, યશસ્વી જયસ્વાલે ટીમને આગળ વધારવાની જવાબદારી સંભાળી હતી. તેણે એક શક્તિશાળી પ્રદર્શન કર્યું હતું, અને તેની ODI કારકિર્દીની પ્રથમ સદી ફટકારી હતી. આ 100 રન સાથે, તે વિરાટ અને રોહિતના ક્લબમાં જોડાયો હતો. તે ક્રિકેટના ત્રણેય ફોર્મેટ (ટેસ્ટ, ODI અને T20I) માં સદી ફટકારનાર છઠ્ઠો ભારતીય બેટ્સમેન બન્યો છે. યશસ્વી પહેલા, સુરેશ રૈના, વિરાટ કોહલી, રોહિત શર્મા, કેએલ રાહુલ અને શુભમન ગિલે આ સિદ્ધિ હાંસલ કરી છે.
ટીમે ODI શ્રેણી કબજે કરી
271 રનના લક્ષ્યનો પીછો કરતા, યશસ્વી જયસ્વાલ, રોહિત શર્મા અને વિરાટ કોહલીની વિસ્ફોટક બેટિંગને કારણે, ટીમ ઈન્ડિયાએ ત્રણ મેચની શ્રેણી 2-1 થી જીતી લીધી હતી. મેન ઇન બ્લુએ તેમની 0-2 ટેસ્ટ હારનો બદલો લીધો હતો. યશસ્વી અને રોહિત ઉપરાંત, વિરાટ કોહલીએ પણ બેટિંગથી ધમાકેદાર પ્રદર્શન કર્યું હતું. તેણે 45 બોલમાં 6 ચોગ્ગા અને 3 છગ્ગાની મદદથી 65 રન બનાવ્યા હતા.
આ પણ વાંચો ------- સચિન તેંડુલકરનો મહારેકોર્ડ તોડી Vira Kohli આંતરરાષ્ટ્રીય ક્રિકેટમાં બન્યો Player of the Series નો બાદશાહ