IndiaPakistanWar2025 : પાકિસ્તાનને IMF એ અબજો ડોલરની આપી લોન! ભારતનો વિરોધ
- IMF એ પાકિસ્તાનને સહાય આપવાની મંજૂરી આપી
- લગભગ USD 1 બિલિયનની તાત્કાલિક સહાય આપવાની મંજૂરી આપી
- ભારતના વિરોધ છતાં IMF એ પાકિસ્તાનને સહાય આપવાની મંજૂરી આપી
- IMF ના ફંડિંગનો સીમાપાર આતંકવાદમાં ઉપયોગ : ભારત
ભારત અને પાકિસ્તાન વચ્ચે ચાલી રહેલા તણાવ વચ્ચે આંતરરાષ્ટ્રીય નાણાકીય ભંડોળ (IMF) એ શુક્રવારે હાલની વિસ્તૃત ભંડોળ સુવિધા હેઠળ પાકિસ્તાનને લગભગ USD 1 બિલિયનની તાત્કાલિક સહાય આપવાની મંજૂરી આપી છે. આ માહિતી, પાકિસ્તાનનાં વડાપ્રધાન કાર્યાલય (PMO) દ્વારા આપવામાં આવી હતી. આ અંગે વડાપ્રધાન શાહબાઝ શરીફે કહ્યું કે 'પાકિસ્તાન માટે IMF દ્વારા 1 બિલિયન ડોલરના હપ્તાને મંજૂરી આપવી એ ભારતની દબાણ બનાવવાની વ્યૂહરચનાની નિષ્ફળતા છે.' આ નિવેદન પાકિસ્તાનના વડાપ્રધાન કાર્યાલય દ્વારા જારી કરવામાં આવ્યું હતું.
આ પણ વાંચો -IndPakWar2025 : અળવીતરા પાકિસ્તાન પર ભારતની જવાબી કાર્યવાહી, POK માં અનેક ડ્રોન હુમલા!
ભારત બેલઆઉટ પેકેજ પર મતદાનથી દૂર રહ્યું
અગાઉ, ભારતે આંતરરાષ્ટ્રીય નાણાકીય ભંડોળ (IMF) દ્વારા પાકિસ્તાનને પ્રસ્તાવિત $1.3 બિલિયનના બેલઆઉટ પેકેજ પર મતદાન કરવાથી દૂર રહ્યું હતું. ભારતે આ પાછળનું કારણ ઇસ્લામાબાદનાં 'નાણાકીય સહાયનાં ઉપયોગમાં નબળા રેકોર્ડ' ને ગણાવ્યું. 9 મેના રોજ વોશિંગ્ટનમાં IMF બોર્ડની બેઠકમાં, ભારતે IMF ની સહાય શરતો પૂર્ણ કરવામાં પાકિસ્તાન દ્વારા વારંવાર નિષ્ફળતા પર ચિંતા વ્યક્ત કરી હતી. ભારતે IMF ના એક અહેવાલનો પણ ઉલ્લેખ કર્યો હતો, જેમાં કહેવામાં આવ્યું હતું કે, પાકિસ્તાનનાં વારંવારના બેલઆઉટને કારણે તે IMF માટે "ખૂબ જ મોટું અને નિષ્ફળ" દેવાદાર બની ગયું છે. રિપોર્ટમાં એમ પણ કહેવામાં આવ્યું છે કે, પાકિસ્તાનને IMF સહાય પૂરી પાડવામાં રાજકીય પરિબળો પણ ભૂમિકા ભજવે છે.
-ભારતના વિરોધ છતા IMFએ પાકિસ્તાનને આપી લોન
-પાકિસ્તાનની IMFનું ફંડિંગ રોકવા ભારતે કરી હતી અપીલ
-IMF પાકિસ્તાનને આપી 8500 કરોડની લોન@IAF_MCC @indiannavy @IndiannavyMedia @rajnathsingh @HMOIndia @PMOIndia @AmitShah @narendramodi @DefenceMinIndia @SpokespersonMoD @AmitShah… pic.twitter.com/LxT6Aa4fSL— Gujarat First (@GujaratFirst) May 9, 2025
આ પણ વાંચો -Balochistan : સતત બીજા દિવસે બલુચિસ્તાનમાં પાકિસ્તાની સુરક્ષા દળો પર હુમલા!
'IMF ના પૈસા આતંકવાદી સંગઠનોને જઈ રહ્યા છે'
ભારતે એ પણ પુનરોચ્ચાર કર્યો કે પાકિસ્તાનને આપવામાં આવતી નાણાકીય સહાય તેની ગુપ્તચર એજન્સીઓ અને લશ્કર-એ-તૈયબા અને જૈશ-એ-મોહમ્મદ જેવા આતંકવાદી સંગઠનોને પરોક્ષ રીતે મદદ કરે છે, જે ભારત પર હુમલાઓ કરી રહ્યા છે.
પાકિસ્તાનનું અર્થતંત્ર IMF પર નિર્ભર છે
તમને જણાવી દઈએ કે, ગરીબી સામે ઝઝૂમી રહેલું પાકિસ્તાનનું અર્થતંત્ર IMF ની સહાય પર ખૂબ નિર્ભર છે. આ મતદાનથી ભારતના અંતરને IMF અને અન્ય બહુપક્ષીય નાણાકીય સંસ્થાઓને સંદેશ તરીકે જોવામાં આવી રહ્યું છે કે નક્કર પગલાં લીધા વિના પાકિસ્તાનને નાણાકીય સહાય આપવી એ પ્રાદેશિક સુરક્ષા માટે ખતરનાક બની શકે છે.
આ પણ વાંચો -India-Pakistan War : આ તણાવ શક્ય તેટલી ઝડપથી ઓછો થાય - અમેરિકા