IPL 2026 : ચાલુ સિઝનમાં CSK અને GT ની મેચનું સ્થળ બદલાયું, જાણો કારણ
- IPL 2026 ની ચાલુ સિઝનમાં મેચને લઇને ફેરફાર સામે આવ્યા
- ગુજરાતમાં ચૂંટણીને લઇને બોર્ડ દ્વારા આ નિર્ણય લેવાયો છે
- ચેન્નાઈ સુપર કિંગ્સ અને ગુજરાત ટાઇટન્સ બંનેની શરૂઆત મિશ્ર રહી છે
IPL 2026 : IPL 2026 ને લઈને ઉત્સાહ ચરમસીમાએ છે, પરંતુ BCCI એ એક મહત્વપૂર્ણ જાહેરાત (BCCI Important Announcement) કરીને ચાહકોને આશ્ચર્યચકિત કર્યા છે. ગુજરાત ટાઇટન્સ (Gujarat Titans) અને ચેન્નાઈ સુપર કિંગ્સ (Chennai Super King) વચ્ચેની આગામી મેચોના સ્થળોમાં ફેરફાર (Match Venue Changed) કરવામાં આવ્યા છે.
IPL 2026, મેચનું આયોજન શક્ય ન હતું
બોર્ડે 26 એપ્રિલે ગુજરાતમાં યોજાનારી સ્થાનિક સ્વરાજ્યની ચૂંટણીઓને ધ્યાનમાં રાખીને આ નિર્ણય લીધો છે. ચૂંટણી દરમિયાન સુરક્ષા અને વહીવટી અવરોધોને કારણે, અમદાવાદમાં મેચનું આયોજન શક્ય ન હતું, જેના કારણે BCCI એ સ્થળ બદલવાનો વિકલ્પ પસંદ કર્યો હોવાની જાહેરાત કરવામાં આવી છે.
🚨 NEWS 🚨@gujarat_titans - @ChennaiIPL fixtures swapped for April 26 and May 21, owing to municipal corporation elections in Ahmedabad and other parts of Gujarat!
More Details 🔽 | #TATAIPL | #KhelBindaashttps://t.co/xDibwhhT8C
— IndianPremierLeague (@IPL) April 13, 2026
આ પણ વાંચો ------------- Amarnath Yatra 2026 : બાબા બરફાનીના ભક્તો માટે ખુશખબર, આ દિવસથી શરૂ થશે યાત્રા!
IPL 2026, વહીવટી કારણોસર ફેરફાર
સુધારેલા સમયપત્રક મુજબ, મૂળ 26 એપ્રિલે અમદાવાદના નરેન્દ્ર મોદી સ્ટેડિયમ (Narendra Modi Stadium) ખાતે યોજાનારી મેચ હવે ચેન્નાઈના MA ચિદમ્બરમ સ્ટેડિયમ (Chepauk Stadium - Chennai) ખાતે રમાશે. મેચ બપોરે 3:30 વાગ્યે શરૂ થશે. તેના બદલે, 21 મેના રોજ ચેન્નાઈમાં યોજાનારી વિપરીત મેચ હવે અમદાવાદમાં યોજાશે. મેચ સાંજે 7:30 વાગ્યે શરૂ થશે. IPL મેનેજમેન્ટે એક મીડિયા એડવાઇઝરી જારી કરીને સ્પષ્ટતા કરી છે કે, આ ફેરફાર ફક્ત વહીવટી કારણોસર કરવામાં આવ્યો છે.
શાનદાર વાપસી કરી
IPL 2026 માં ચેન્નાઈ સુપર કિંગ્સ અને ગુજરાત ટાઇટન્સ બંનેની શરૂઆત મિશ્ર રહી છે. રુતુરાજ ગાયકવાડની કેપ્ટનશીપ હેઠળની ચેન્નાઈએ સિઝનની પહેલી ત્રણ મેચમાં સતત હારનો સામનો કરવો પડ્યો હતો, પરંતુ દિલ્હી કેપિટલ્સ સામે વિજય મેળવીને શાનદાર વાપસી કરી હતી. દરમિયાન, શુભમન ગિલની આગેવાની હેઠળની ગુજરાત ટાઇટન્સે શરૂઆતમાં બે મેચ હારી હતી, પરંતુ પછી દિલ્હી અને લખનૌ જેવી ટીમોને હરાવીને સતત બે જીત નોંધાવી હતી.
ચેન્નાઈના ચાહકો માટે બોનસ
સ્થળમાં આ અચાનક ફેરફારથી જે ચાહકોએ પહેલાથી જ ટિકિટ બુક કરાવી હતી અથવા મેચ જોવા માટે અમદાવાદ જવાનું વિચારી રહ્યા હતા તેમને તેમની મુસાફરીની યોજનાઓ બદલવાની જરૂર પડશે. જોકે, આ ચેન્નાઈના ચાહકો માટે બોનસ છે, કારણ કે હવે તેમને એપ્રિલમાં તેમના મનપસંદ 'થાલા' એમએસ ધોની અને તેમની ટીમને તેમના હોમ ગ્રાઉન્ડ પર રમતા જોવાની તક મળશે. બીસીસીઆઈએ પુષ્ટિ આપી છે કે બાકીની મેચોના સમયપત્રકમાં કોઈ ફેરફાર નથી.
આ પણ વાંચો ------------- પ્રેમાનંદ મહારાજે જણાવ્યું Akshaya Tritiyaનું સૌથી મોટું દાન, સોના-ચાંદી કરતા પણ છે વધુ કિંમતી