SRHVsRCB : ઉંચા સ્કોર સામે બેંગલુરૂ ફેલ, કેપ્ટનની અડધી સદી નાકામ

SRHVsRCB : ઇન્ડિયન પ્રીમિયર લીગની (IPL 2026) 19મી સીઝનની 67મી લીગ મેચ હૈદરાબાદના રાજીવ ગાંધી ઇન્ટરનેશનલ ક્રિકેટ સ્ટેડિયમ ખાતે સનરાઇઝર્સ હૈદરાબાદ (Sunrisers Hyderabad) અને રોયલ ચેલેન્જર્સ બેંગ્લોર (Royal Challengers Bengaluru) વચ્ચે રમાઈ રહી છે. આ મેચમાં સનરાઇઝર્સ હૈદરાબાદના કેપ્ટન પેટ કમિન્સે ટોસ જીતીને પહેલા બેટિંગ કરવાનો નિર્ણય લીધો હતો, જે તેના બેટ્સમેનોએ સંપૂર્ણપણે સાચો સાબિત કર્યો અને તેમણે 20 ઓવરમાં 255 રન બનાવ્યા હતા. આ મેચમાં ઉંચા રનસ્કોર સામે બેંગ્લોરની ટીમ નિષ્ફળ રહી હતી, અને 20 ઓવરમાં 200 જ રન બનાવી શકી હતી.

SRHVsRCB, ક્લાસેને આક્રમક બેટિંગ કરી

સનરાઇઝર્સ હૈદરાબાદને ઝડપી શરૂઆત મળી હતી, જેમાં ટ્રેવિસ હેડ અને અભિષેક શર્માની ઓપનિંગ જોડીએ પ્રથમ વિકેટ માટે 45 રન ઉમેર્યા હતા, જેમાં હેડ 26 રન બનાવીને પેવેલિયન પરત ફર્યા હતા. અહીં બેટિંગ કરવા આવેલા ઈશાન કિશને અભિષેકને સારો સાથ આપ્યો અને બીજી વિકેટ માટે બંને વચ્ચે 52 રનની ભાગીદારી થઈ હતી. અભિષેક શર્મા 56 રનની ઇનિંગ રમીને આઉટ થયો હતો. હૈદરાબાદે 97 રન પર પોતાની બીજી વિકેટ ગુમાવી દીધી અને હેનરિક ક્લાસેન બેટિંગ કરવા આવ્યા અને આક્રમક વલણ અપનાવ્યું હતું, જેનાથી રન-સ્કોરિંગ રેટમાં નોંધપાત્ર વધારો થયો હતો.

SRHVsRCB, રસિક સલામ દારે વધુ વિકેટ લીધી

ઈશાન અને ક્લાસેન વચ્ચે ત્રીજી વિકેટ માટે માત્ર 48 બોલમાં 113 રનની ભાગીદારી થઈ હતી. આ મેચમાં ક્લાસેન 51 રન બનાવ્યા હતા, જ્યારે ઇશાન કિશને 79 રન બનાવ્યા હતા. નીતિશ રેડ્ડીએ પણ 12 બોલમાં 29 રનની અણનમ ઇનિંગ્સ રમી હતી. આરસીબી તરફથી રસિક સલામ દારે 2 વિકેટ લીધી જ્યારે સુયશ શર્મા અને કૃણાલ પંડ્યાએ 1-1 વિકેટ લીધી હતી.

પોઇન્ટ ટેબલની સ્થિતિ

આરસીબી હાલમાં 13 મેચમાંથી 18 પોઈન્ટ સાથે પોઈન્ટ ટેબલમાં ટોચ પર છે, અને આ મેચ જીતીને 20 પોઈન્ટ સાથે લીગ સ્ટેજ પૂર્ણ કરવાનો લક્ષ્ય રાખશે. દરમિયાન, સનરાઇઝર્સ હૈદરાબાદ પાસે હાલમાં 13 મેચમાંથી 16 પોઈન્ટ છે અને તે ત્રીજા સ્થાને છે. આ સિઝનમાં બંને ટીમો વચ્ચે આ બીજી ટક્કર છે, છેલ્લી મેચ 28 માર્ચે રમાઈ હતી અને RCB ટીમ તેને 6 વિકેટથી જીતવામાં સફળ રહી હતી.

આ પણ વાંચો - Cricketer Vijay Shankar ની નિવૃત્તિની જાહેરાત, ચાહકો અને સાથી ચોંક્યા !