Jamnagar : Sachin Tendulkar નું સહપરિવાર આગમન

ક્રિકેટના મહાનાયક સચિન તેંડુલકર જામનગરની મુલાકાતે
પરિવાર સહિત સચિન તેંડુલકરનું જામનગરમાં આગમન
એરપોર્ટ પર જોવા મળ્યા સચિન, અંજલિ અને પુત્રી સારા
પુત્ર અર્જૂનના પ્રિવેડિંગ રિલાયન્સ ગ્રીન્સ ખાતે યોજાશે
આજે દેશભરની હસ્તીઓ આવી પહોંચશે જામનગર#SachinTendulkar #Jamnagar… pic.twitter.com/TvRfwZxGon

— Gujarat First (@GujaratFirst) February 15, 2026

એરપોર્ટથી બહાર આવતા કેમેરામાં કેદ (Jamnagar)

અર્જુન તેંડુલકર અને સાનિયા ચંડોકના લગ્ન માર્ચ માસમાં યોજાવવા જઇ રહ્યા છે. પ્રસંગમાં આમંત્રણ આપવા માટે તેંડુલકર પરિવારે તાજેતરમાં જ વડાપ્રધાન નરેન્દ્રભાઇ મોદી, વિરોધ પક્ષના નેતા રાહુલ ગાંધી સહિતના અગ્રણીઓની મુલાકાત લીધી હતી. ત્યાર બાદ આજે તેંડુલકર પરિવારના સભ્યો સચિન તેંડુલકર, તેમના પત્ની અંજલી તેંડુલકર, પુત્રી સારા તેંડુલકર, અને પુત્ર અર્જુન તેંડુલકર જામનગર ખાતે આવી પહોંચ્યા છે. જામનગર એરપોર્ટથી બહાર આવતા તેમને તસ્વીરોમાં કેદ કરી લેવામાં આવ્યા છે.

આ પણ વાંચો -------  Mahashivratri 2026: ગોંડલ મુક્તિધામ ખાતે મહાશિવરાત્રીની ભવ્ય ઉજવણી: 1111 કિલો ફળોનો અદ્ભૂત શણગાર

પરિવારના સભ્યો અને આમંત્રિત મહેમાનોનું આગમન શરૂ (Jamnagar)

આ તકે પૂર્વ ક્રિકેટર યુવરાજસિંહ પણ પોતાના અલગ જ સ્વેગમાં જામનગર એરપોર્ટ પર નજરે પડ્યો હતો. સુત્રોના જણાવ્યા અનુસાર, અર્જુન તેંડુલકર અને સાનિયા ચંડોકના લગ્નનું પ્રિવેડિંગ રિલાયન્સ ગ્રીન્સ ખાતે યોજાવવા જઇ રહ્યું છે. જેને લઇને તેંડુલકર પરિવારના સભ્યો અને આમંત્રિત મહેમાનોનું આગમન શરૂ થઇ ગયું છે.

એરપોર્ટની સુરક્ષા વધારી દેવામાં આવી

આવનાર સમયમાં અલગ અલગ ક્ષેત્રના દિગ્ગજો જામનગર એરપોર્ટ પર જોવા મળે તો નવાઇ નહીં, દેશભરના અગ્રણીઓના આગમનને પગલે જામનગર એરપોર્ટની સુરક્ષા વધારી દેવામાં આવી છે. અત્રે નોંધનીય છે કે, સમયાંતરે વિવિધ ક્ષેત્રોના દિગ્ગજો જામનગરની મુલાકાતે આવતા હોય છે. જેને પગલે હવે જામનગર એક મહત્વનું ડેસ્ટીનેશન બનીને ઉભરી રહ્યું છે. (Jamnagar)

આ પણ વાંચો ------- Junagadh: ભવનાથ તળેટી અને ગિરનાર પર્વત પર ઉમટ્યું ભક્તોનું ઘોડાપૂર