Jamnagar માં લોહીયાળ પારિવારિક કજિયો, તાજપીર દરગાહ નજીક પતિ-પત્ની પર ઘાતક હુમલો કરી ટોળકી ફરાર

પરિવારના સભ્યોએ કર્યો હુમલો

સાળા, સાસુ અને ટોળકીએ તીક્ષ્ણ હથિયારોથી હુમલો કર્યો હોવાનો આક્ષેપ કરવામાં આવ્યો છે. હુમલામાં આવેશ દાઉદ નોતીયારને માથામાં ગંભીર ઇજા અને પત્ની મુસ્કાનને પણ હાથના ભાગે ઈજા પહોંચી છે.

બન્નેને તાત્કાલિક સારવાર માટે જી.જી.હોસ્પિટલમાં ખસેડવામાં આવ્યા છે. ઘટનાની જાણ થતાં સિટી-એ ડિવિઝન પોલીસ દોડી આવી હતી અને વધુ તપાસ શરૂ કરી હતી. હુમલામાં હજી પોલીસ ફરિયાદ નોંધાઈ છે કે નહી તેની માહિતી સામે આવી નથી.

જામનગરમાં ગાંજાનો જથ્થો ઝડપાયો

648 ગ્રામ ગાંજાનો જથ્થો મેઘપર પોલીસે ઝડપી પાડયો છે. દરોડા દરમિયાન ઓરડીમાંથી મૂળ ઉત્તર પ્રદેશના આઝમગઢ જિલ્લાની વતની સુનીતાબેન વિંધ્યાચલ યાદવ નામની મહિલા નશીલા પદાર્થના જથ્થા સાથે રંગેહાથ ઝડપાઈ ગઈ હતી.

પોલીસે ઓરડીની તલાશી લેતા ત્યાંથી રૂ. 32,400ની કિંમતનો 648 ગ્રામ ગાંજો તથા એક મોબાઈલ ફોન મળી આવ્યો હતો, જેને પોલીસે કબ્જે કર્યો છે.

આ પણ વાંચો : Mehsana : વડનગરમાં SMCના દરોડા બાદ PSI સસ્પેન્ડ, બે કર્મચારીની હેડ ક્વાર્ટર કરાઈ બદલી