Jamnagar : જકાતનાકા પાસે બે જૂથ વચ્ચે ધોકાઓ વડે મારામારી, પોલીસની PCR વાન પસાર થઈ પણ ઉભી ના રહી!

જામનગરના જકાતનાકા પાસે મારામારી

જામનગરના જકાતનાકા પાસે મારામારીની ઘટના બની છે. અને બે જૂથના લોકો રોડ પર ઉતરી આવ્યા હતા અને મારમારી કરી હતી, સમગ્ર ઘટનામાં સ્થાનિકોનો આક્ષેપ છે કે, પોલીસની પીસીઆર વાન મારમારી થતી હતી તે વખતે સ્થળ પરથી નીકળી અને તો પણ ઉભી ના રહી અને જતી રહી તેવા આક્ષેપો કરવામાં આવ્યા છે, સમગ્ર ઘટનામાં વીડિયો વાયરલ થયો છે અને પોલીસે પણ કોઈ કાર્યવાહી કરી નથી. ત્યારે ઈજાગ્રસ્તોને સારવાર માટે હોસ્પિટલ ખસેડવામાં આવ્યા છે.

લાલપુરના જોગવડમાં મહિલા ગાંજા સાથે ઝડપાઈ

જામનગર જિલ્લાના લાલપુર તાલુકાના જોગવડ ગામમાં મેઘપર (પડાણા) પોલીસે નશીલા પદાર્થો વિરુદ્ધ કાર્યવાહી કરી છે. પોલીસે એક મહિલાને 648 ગ્રામ ગાંજા સાથે ઝડપી પાડી છે. ખાનગી બાતમીના આધારે પોલીસે રામદુતનગર વિસ્તારમાં આવેલી એક રહેણાંક ઓરડી પર દરોડો પાડ્યો હતો. આ દરોડા દરમિયાન 648 ગ્રામ ગાંજો અને એક મોબાઇલ ફોન સહિત કુલ રૂ. 37,400નો મુદ્દામાલ જપ્ત કરવામાં આવ્યો હતો.

આ પણ વાંચો : Mehsana જિલ્લાના સતલાસણા તાલુકામાં 3 ઇંચ વરસાદ ખાબકયો, ખેતીના પાકને મળ્યું જીવતદાન