Jamnagar : દારૂનું અનોખું નેટવર્ક, કારમાં ગુપ્ત ચોરખાનું બનાવી દારૂની હેરાફેરી કરતું દંપતી ઝડપાયું

પોલીસે બાતમીના આધારે ઝડપ્યો દારૂ

તપાસ દરમિયાન પોલીસ પણ દંગ રહી ગઈ હતી, કારણ કે આ દંપતીએ પોલીસને થાપ આપવા માટે કારની અંદર ખૂબ જ વ્યવસ્થિત રીતે 'ચોરખાના' બનાવ્યા હતા. કારના દરેક ખૂણે અને સીટોની આસપાસ ગુપ્ત ખાનાઓ બનાવી તેમાં વિદેશી દારૂની 108 બોટલો ખૂબ જ હોશિયારીથી સંતાડવામાં આવી હતી. પોલીસની ટીમે એક પછી એક ખાના ખોલાવીને આ છુપાયેલો દારૂ બહાર કાઢ્યો હતો.

પોલીસે પ્રોહિબિશનનો નોંધ્યો ગુનો

આ કાર્યવાહીમાં પોલીસે દારૂ ઉપરાંત 3 મોબાઈલ ફોન અને વપરાયેલી કાર મળી કુલ 5,86,400 રૂપિયાનો મુદ્દામાલ કબ્જે કર્યો છે. આ દંપતી લાંબા સમયથી આ પ્રકારની પ્રવૃત્તિમાં સંડોવાયેલું હોવાની પોલીસને શંકા છે. પતિ-પત્ની સાથે હોવાને કારણે કોઈને શંકા ન જાય તે રીતે તેઓ શહેરના વિવિધ વિસ્તારોમાં દારૂનું વેચાણ કરતા હોવાનું પ્રાથમિક તપાસમાં બહાર આવ્યું છે. આ દંપતી દારૂનો આ જથ્થો ક્યાંથી લાવતું હતું અને કોને સપ્લાય કરવાનું હતું, તે દિશામાં પોલીસે તપાસ શરૂ કરી છે.

આ પણ વાંચો : Kutch ના મુન્દ્રામાં ગાડી રોકવા બાબતે થયેલા વિવાદમાં વૃદ્ધની હત્યા, પોલીસની ટીમ આરોપીને શોધવા કામે લાગી