DGP ને જિજ્ઞેશ મેવાણીનો જવાબ- સાહેબ, નામ પ્રમાણે જનતાની સહાય કરો

DGP સહાયે આગળ કહ્યું, "એક લીડર તરીકે તમારે આવી વસ્તુઓને ટોલરેટ નહીં કરવી જોઈએ." તેમણે પોલીસ વિભાગને મજબૂત બનાવવા પર ભાર મૂકતા કહ્યું, "અમે વટથી, સન્માનથી અને ભયમુક્ત થઈને કામગીરી કરીએ." આ ઉપરાંત, તેમણે કહ્યું કે, "નાની મોટી ભૂલ તો થાય પણ એ આપણો વિભાગ જ છે. વિભાગ બહારના લોકો આવીને કહે તેને ટોલરેટ ન કરાય. પોલીસ વિભાગની ગરિમાને આંચ ન આવે તે જોવું જરૂરી છે." આ નિવેદનથી પોલીસ વિભાગમાં મનોબળ વધ્યું છે, અને તેને મેવાણીના તાજા 'પટ્ટા ઉતરી જશે' જેવા નિવેદન સામે સીધો જવાબ માનવામાં આવી રહ્યું છે.

DGP વિકાસ સહાયનો MLA જીગ્નેશ મેવાણીને જવાબ
MLA જીગ્નેશ મેવાણીનું નામ લીધા વિના આપ્યો જવાબ
પોલીસનું મનોબળ તોડવાનું કામ ન સાંખી લેવાયઃ DGP
"કોઈપણ વ્યક્તિ હોય કે સંસ્થા હોય ચલાવી ના લેવાય"
"એક લીડર તરીકે તમારે આ વસ્તુને ટોલેરેટ નહીં કરાય"
"વટથી, સન્માનથી અને ભયમુક્ત થઈને કામગીરી… pic.twitter.com/eKPnvNbaCu

— Gujarat First (@GujaratFirst) November 25, 2025

આખરી દિવસોમાં મેવાણીના પોલીસ વિરુદ્ધના નિવેદનોને કારણે ઉત્તર ગુજરાતમાં પોલીસ પરિવારોમાં તીવ્ર આક્રોશ ફેલાયો છે. હિંમતનગરમાં કોંગ્રેસની જન આક્રોશ યાત્રા પોલીસ મહિલાઓના વિરોધથી અટકી ગઈ હતી, અને પાલનપુર, મહેસાણા જેવા વિસ્તારોમાં પ્રતિ-રેલીઓ જોવા મળી છે. DGP સહાયના આ નિવેદનથી આ વિવાદને હવા મળી રહી છે.

આના જવાબમાં જીગ્નેશ મેવાણીએ DGP વિકાસ સહાયને વળતો તીખો પ્રતિભાવ આપ્યો છે. મેવાણીએ કહ્યું, "સાહેબ, નામ પ્રમાણે જનતાને સહાય કરો." તેમણે પોલીસ વિભાગ પર તીખી ટીકા કરતા કહ્યું, "દારુ-ડ્રગ્સની બદીમાંથી જનતાને બચાવો." મેવાણીએ આગળ કહ્યું કે, "સસ્પેન્ડ-ટ્રાન્સફરની ધમકી આપીને નાના કર્મચારીઓ પાસેથી વિરોધ કરાવવામાં આવે છે, પણ મારું પેટનું પાણી પણ નહીં હલે." તેમણે આ વિરોધને 'સરકારી યંત્રણાની ષડયંત્ર' તરીકે ગણાવીને કહ્યું કે, "આ રીતે પોલીસને રાજકીય હથિયાર બનાવવાનો પ્રયાસ ના ચાલશે."

આ વિવાદ કોંગ્રેસની જન આક્રોશ યાત્રાના ભાગરૂપે ભડક્યો છે, જે 21 નવેમ્બરથી શરૂ થઈ છે અને 3 ડિસેમ્બરે બેચરાજી પહોંચશે. મેવાણીના નિવેદનોને લઈને પૂર્વ આઈપીએસ અધિકારીઓએ પણ તેમના રાજીનામાની માંગ કરી છે. આ ઘટના રાજ્યમાં રાજકીય તણાવ વધારી રહી છે, અને આગામી દિવસોમાં વધુ વિકાસ થવાની શક્યતા છે.

આ પણ વાંચો- CM મમતા બેનર્જીએ SIR વિરોધમાં 3 કિ.મી.ની કૂચ કરી, ભાજપ સરકાર પર કર્યા આકરા પ્રહાર