Jayaraj Ahir જૂનાગઢ પહોંચતાં જ તપાસના આદેશ! જાણો શું છે કારણ?

Jayaraj Ahir:  VVIP કલ્ચરની  છે મનાઈ

મળતી માહિતી મુજબ, ભવનાથ તળેટીમાં ટ્રાફિક અને ભીડને નિયંત્રિત કરવા માટે વહીવટીતંત્ર દ્વારા કડક સુરક્ષા વ્યવસ્થા ગોઠવવામાં આવી છે. શ્રદ્ધાળુઓને પગપાળા જવાની સૂચના આપવામાં આવે છે અને VVIP કલ્ચર (VVIP Culture) ને પ્રોત્સાહન ન મળે તે માટે વાહનોના પ્રવેશ પર નિયંત્રણો લાદવામાં આવ્યા છે. આમ છતાં, સોશિયલ મીડિયા પર વાયરલ થયેલા વીડિયોમાં જોઈ શકાય છે કે જયરાજ આહીર (Jayraj Ahir) પોતાના મિત્રો સાથે એક ખાનગી બસમાં સવાર થઈને મેળાના મુખ્ય ભાગ સુધી પહોંચ્યા હતા. આ ઘટનાને પગલે સ્થાનિક લોકો અને અન્ય શ્રદ્ધાળુઓમાં ભારે રોષ જોવા મળી રહ્યો છે.

વીડિયો વાયરલ થતાં કાર્યવાહી

આ ઘટનાનો વીડિયો વાયરલ (Video Viral) થતા જ સોશિયલ મીડિયા પર વહીવટીતંત્રની કામગીરી સામે સવાલો ઉભા થયા છે. લોકો પૂછી રહ્યા છે કે શું નિયમો ફક્ત સામાન્ય જનતા માટે જ છે? સેલિબ્રિટીના સંતાનો માટે અલગ વ્યવસ્થા કેમ? આ વિવાદ વધતા જૂનાગઢ કલેક્ટર (Junagadh Collector) એ તાત્કાલિક અસરથી આ મામલે તપાસના આદેશ આપ્યા છે. પોલીસ અને સ્થાનિક તંત્ર એ તપાસ કરી રહ્યું છે કે આ ખાનગી બસને અંદર પ્રવેશવાની મંજૂરી કોણે આપી અને કયા આધારે ચેકપોસ્ટ પરથી પસાર થવા દેવામાં આવી.

નોંધનીય છે કે અગાઉ પણ જયરાજ આહીર (Jayraj Ahir) વિવિધ કારણોસર ચર્ચામાં રહ્યા છે, પરંતુ ધાર્મિક મેળામાં આ પ્રકારે નિયમોનું ઉલ્લંઘન થતા મામલો ગંભીર બન્યો છે. જૂનાગઢ (Junagadh) પ્રશાસન હવે સીસીટીવી (CCTV) ફૂટેજ અને પ્રત્યક્ષદર્શીઓના નિવેદનોના આધારે આગળની કાર્યવાહી હાથ ધરી છે.

આ પણ વાંચોઃ Ahmedabad: નડિયાદની સ્કૂલના આચાર્ય અમદાવાદની હોટલમાંથી પકડાયા! મહિલાના ગંભીર આરોપ