Junagadh : ભવનાથ મંદિરના મહંતની નિમણૂંક કરવાની માગ બની પ્રબળ, રાજુ ગીરી બાપુએ આમરણાંત ઉપવાસની ઉચ્ચારી ચીમકી

અગાઉ અમરગીરી બાપુએ પણ કર્યા હતા પ્રહાર

ભવનાથ મંદિરના મહંતની નિમણૂંક કરવાની માગ બની પ્રબળ અને શ્રાવણ મહીનો નજીક આવતો હોવાથી મહંતની નિમણૂંક કરવા માટે મુખ્યમંત્રી અને કલેકટર સહીતનાઓને પત્ર લખ્યો છે.

છેલ્લા એક વર્ષથી મંદિરનું સંચાલન સરકાર હસ્તક છે. ગુરુ શિષ્ય પરંપરા મુજબ મહંતની નિમણૂક થવી જોઈએ. આ સાથે અમરગીરી બાપુએ સરકાર તેમજ તંત્ર સામે પણ પ્રહાર કર્યા હતા. હાલ ભવનાથ મંદીર ના મહંતની નિમણૂંકની માગ પ્રબળ બનતા અનેક ચર્ચાઓએ જોર પકડ્યુ છે.

ભવનાથ મંદિર વિવાદોના વમળમાં!

રાજુગીરીએ જણાવ્યું કે મંદિરના પરંપરાગત સંસ્કાર અને નિયમોને અવગણીને હરિગીરીને મહંત બનાવવામાં આવી રહ્યો છે, જે અધિકૃત નથી. તેમણે માંગણી કરી છે કે નવા મહંત તરીકે તેમની નિમણૂંક કરવામાં આવે અને યોગ્ય શિષ્ય પરંપરા અનુસાર નિર્ણય લેવામાં આવે.

આ બાબતે તેમણે તેમના પરિવારના અન્ય સભ્યો સાથે મળીને આમરણાંત ઉપવાસની ચીમકી ઉચ્ચારી છે. જૂનાગઢના પ્રસિદ્ધ ભવનાથ મહાદેવ મંદિરમાં મહંત પદ માટેનો વિવાદ ઉગ્ર સ્વરૂપ ધારણ કરી રહ્યો છે. હરિગીરી મહંત તરીકે નિયુક્ત થવાના સમાચાર વચ્ચે જ વધુ એક સાધુ રાજુગીરીએ પોતાની દાવેદારી નોંધાવી છે!.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર