Junagadh : MBBSનો અભ્યાસ કરતા વિદ્યાર્થીએ કર્યો આપઘાત, પરિવારમાં શોકનો માહોલ

ભણતરના ભારથી કર્યો આપઘાત!

પરિવારજનોના જણાવ્યા અનુસાર વિરેન્દ્ર છેલ્લા કેટલાક સમયથી અભ્યાસના દબાણ અને ભણતરના ભારને લઈને માનસિક તણાવ અનુભવી રહ્યો હતા. પ્રાથમિક રીતે આ કારણોસર તેણે આ પગલું ભર્યું હોવાની આશંકા વ્યક્ત કરવામાં આવી રહી છે. જોકે આપઘાતનું ચોક્કસ કારણ પોલીસ તપાસ બાદ જ સ્પષ્ટ થઈ શકશે. ઘટનાની જાણ થતાં ચોરવાડ પોલીસ તાત્કાલિક સ્થળ પર પહોંચી હતી અને જરૂરી કાર્યવાહી હાથ ધરી હતી.

Junagadh પોલીસે અકસ્માતે મોતનો ગુનો નોંધ્યો

પોલીસે મૃતદેહને પોસ્ટમોર્ટમ માટે ખસેડી વધુ તપાસ શરૂ કરી છે. મૃતદેહનું પીએમ થશે અને ત્યારબાદ મૃતદેહ પરિજનોને સોંપવામાં આવશે. પોલીસે મૃતકનો ફોન પણ તપાસ માટે લીધો છે અને પરિજનોના નિવેદનના આધારે હાલમાં અકસ્માતે મોતનો ગુનો નોંધ્યો છે.

5 જૂન 2026ના રોજ પાણીધ્રા ગામે કેફી પીણું પીનાર યુવકનું મોત

માળિયાહાટીનાના પાણીધ્રા ગામે ગત 31 મેના રોજ એક મહિલા સહિત 5 લોકોએ કેફી પીણું પી લેતાં ચાર લોકોને જૂનાગઢ હોસ્પિટલ ખસેડાયા હતા. તે પૈકી બે દર્દીઓ સાજા થતાં ડિસ્ચાર્જ કરાયા હતા, જ્યારે સારવાર હેઠળ રહેલા પાણીધ્રાના યુવાન કમલેશ કરગઠીયાનું આજે વહેલી સવારે મોત નીપજ્યું છે. પોલીસે પ્રવાહી FSLમાં મોકલી ફોરેન્સિક પી.એમ. સહિતની તપાસ હાથ ધરી છે.

આ પણ વાંચો : Patan માં ફ્લોરાઇડયુકત પાણી સામે લોકોનો રોષ, 5 હજારથી વધુ લોકોના સ્વાસ્થ્ય પર ખતરો!