Junagadh ની SBIમાં બબાલ, ઓફિસ હેડે ચીફ મેનેજરને જાહેરમાં માર મારતા કર્મચારીઓમાં ભારે રોષ

ઓફીસ હેડ સુધીર શર્મા વિરૂદ્ધ નોંધાઈ પોલીસ ફરિયાદ

અધિકારી સુધીર શર્માના આવા તોછડા વર્તનથી સ્ટાફ પણ પરેશાન હોવાની વાત સામે આવી છે. સ્ટાફની સમજાવટ બાદ ભોગ બનનાર ફરિયાદી પહોંચ્યો પોલીસ સ્ટેશન અને પોલીસને સમગ્ર ઘટનાની જાણ કરી હતી અને ફરિયાદ નોંધાવી હતી.

મોટી સંખ્યામાં બેંકના તમામ કર્મચારીઓ પણ પોલીસ મથકે પહોંચ્યા હતા, જૂનાગઢ સી ડિવિઝન પોલીસે સમગ્ર મામલે ગુનો નોંધ્યો છે અને ઈજાગ્રસ્તને સારવાર માટે હોસ્પિટલ ખસેડવામાં આવ્યો છે, તો એસબીઆઈ બેંકના ઉચ્ચ અધિકારીઓ પણ આવા કર્મચારીઓ સામે પગલા ભરે તે જરૂરી બન્યું છે.

Junagadh SBIના ઉચ્ચ અધિકારીની દાદાગીરી

કર્મચારીને ફરજ દરમિયાન લાફા મારી મારી નાખવાની આપી ધમકી. તો કેમ લાફા માર્યા તેનું ચૌક્કસ કારણ સામે આવ્યું છે. બહાઉદીન કોલેજ પાસે આવેલ SBIના ઓફીસ હેડ સુધીર શર્માએ ચીફ મેનેજર રવિન્દ્ર ધર્મનાથ પ્રસાદને માર મારી નાખવાની ધમકી આપી હતી અને અવારનવાર સુધીર શર્માના આવા વર્તનને લઈ ઓફીસ સ્ટાફ પણ કંટાળી ગયો હોવાની વાત સામે આવી છે.

મોટી સંખ્યામાં SBIના તમામ કર્મચારીઓ પહોંચ્યા હતા પોલીસ સ્ટેશન અને મોડી રાત સુધી સમાધાનના પ્રયાસો કરાયા હતા પણ સમાધાન થયું નહી અને અંતે ચીફ મેનેજરે ઓફીસ હેડ સુધીર શર્મા વિરૂદ્ધ ફરિયાદ નોંધાઈ છે.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર