Junagadh : ગોપાલ ઈટાલિયા ઉપર જુતૂં ફેંકનાર શબ્બીરને અજાણ્યા લોકો મારી રહ્યાં છે માર- વીડિયો થયો વાયરલ

• Junagadh : ગોપાલ ઇટાલિયા પર જૂતું ફેંકનારને માર મરાયો : વાયરલ વીડિયોમાં મોટો સવાલ!
• શબ્બીર મીર પર હુમલો : જૂનાગઢમાં રાજકીય તણાવ વધ્યો, પોલીસ શરૂ કરી શકે છે તપાસ
• જૂતું ફેંક્યા બાદ શબ્બીરને માર : કોણ છે અજાણ્યા હુમલાખોર? વાયરલ વીડિયો ચર્ચામાં
• ગોપાલ ઇટાલિયા કેસમાં ટ્વિસ્ટ : આરોપી શબ્બીર પર હુમલો, કારણ અજ્ઞાત!

Junagadh : જિલ્લામાં રાજકીય તણાવ વધી રહ્યો છે. તાજેતરમાં વિસાવદરના આમ આદમી પાર્ટી (AAP)ના ધારાસભ્ય ગોપાલ ઇટાલિયા પર ખેડૂત સન્માન સભા દરમિયાન જૂતું ફેંકવામાં આવ્યો હતો. હવે સોશિયલ મીડિયામાં વધુ એક એવો વીડિયો વાયરલ થયો છે કે, તેનાથી અનેક પ્રશ્ન ઉભા થયા છે. વાત જાણે તેમ છે કે, ગોપાલ ઈટાલિયા ઉપર જુતૂં ફેકનારા શબ્બીરને કેટલાક લોકો માર મારી રહ્યા છે. આ અંગેનો એક વીડિયો સોશિયલ મીડિયામાં વાયરલ થયો છે. જણાવી દઈએ કે, આ ઘટના ગડુ (માળિયા હાટીના વિસ્તાર)માં બની હતી, જ્યાં શબ્બીર મીર નામના યુવકે જૂતું ફેંક્યો હતો. જોકે, તે જૂતું ગોપાલ ઈટાલિયા પાછળ મંચ પર બેસેલા લોકોના પગમાં પડ્યો હતો. જ્યારે શબ્બીર બીજું જૂતું ફેંકવાની તૈયારી કરતો હતો પરંતુ સભામાં હાજર કાર્યકર્તાઓ અને પોલીસે તેને તાત્કાલિક પકડી લીધો હતો.

Junagadh  : શબ્બીરને માર માર્યાનો વીડિયો આવ્યો સામે

હવે જૂતું ફેંકનાર શબ્બીરને અજાણ્યા વ્યક્તિ દ્વારા માર મારવામાં આવતો વીડિયો વાયરલ થઈ રહ્યો છે. આ વીડિયો ક્યારનો છે, તે અંગે કોઈ માહિતી સામે આવી નથી. એવું કહેવું મુશ્કેલ છે કે, આ વીડિયો ગોપાલ ઈટાલિયા ઉપર ફેંકવામાં આવેલા બુટ પછીનો છે કે પહેલાનો તેની પુષ્ટી થઈ શકી નથી. આ હુમલાનો વીડિયો સોશિયલ મીડિયા પર વાયરલ થઈ ગયો છે, જેમાં શબ્બીરને કેટલાક લોકો દ્વારા માર મારતા જોવા મળે છે. આ વીડિયોના કારણે મોટો સવાલ ઉભો થયો છે કે આ હુમલો કોણે કર્યો? તેનું કારણ શું છે? શું આ રાજકીય પ્રેરિત છે કે વ્યક્તિગત અથવા અન્ય કોઈ કારણ?

શબ્બીરે આપ્યા અલગ-અલગ નિવેદન

આ પહેલા શબ્બીર મીરે ગોપાલ ઈટાલિયા ઉપર જુતૂં ફેંકવાના કેસમાં પોલીસ પૂછપરછ દરમિયાન અલગ-અલગ નિવેદન આપ્યા છે. શરૂઆતમાં તેણે કહ્યું હતું કે કોઈએ પોલીસના નામે રૂપિયા અને દારૂની લાલચ આપીને જૂતું ફેંકવા માટે કહ્યું હતું. પરંતુ પછીના વીડિયોમાં તેણે AAP સાથે જોડાયેલા એક વ્યક્તિ (પિયુષ પરમાર)ના કહેવાથી આ કૃત્ય કર્યું હોવાનો દાવો કર્યો છે. આ નિવેદનોને કારણે કેસમાં વધુ ગૂંચવણ વધી છે.

ગોપાલ ઇટાલિયાએ આ ઘટનાની કડક નિંદા કરી છે અને તેને લોકશાહી પર હુમલો ગણાવ્યો છે. તેમણે સત્તાધારી પક્ષ પર આરોપ લગાવ્યા છે કે તેમની વધતી લોકપ્રિયતાથી બેચેન થઈને આવા કૃત્યો કરાવવામાં આવે છે. આ પહેલાં પણ ગોપાલ ઇટાલિયા પર જૂતું ફેંકવાની ઘટનાઓ બની ચૂકી છે, જેમાં તેઓ પોતે પણ ભૂતકાળમાં આવા પ્રતિકાર માટે જાણીતા રહ્યા છે.

પોલીસ તપાસનો વિષય બન્યો

હવે આખો મામલો પોલીસ તપાસનો વિષય બની ગયો છે. પોલીસે શબ્બીરની ધરપકડ કરી છે અને હુમલાના વીડિયોની તપાસ શરૂ કરી છે. આરોપીઓની ઓળખ અને હુમલાના મુખ્ય કારણની શોધમાં પોલીસને મોટો પડકાર છે. આ ઘટના ગુજરાતની રાજકીય વાતાવરણમાં નવી ચર્ચા ઉભી કરી રહી છે અને લોકોમાં ચિંતા વધારી રહી છે.

આ પણ વાંચો- Banaskantha: ઓગડના વડા ખાતે જાગીરદાર રાજપૂત સમાજનું મહાસંમેલન, કુરિવાજો ત્યાગી નવા બંધારણનો અમલ