Junagadh : વિસાવદરમાં સહકારી મંડળીના 'ખેલ', બોગસ સભ્યો બનાવી લાખોના ગોટાળાનો આક્ષેપ!

કર્મચારીઓ સામે કડક કાર્યવાહી થશે ?

એટલું જ નહીં, જે ખેડૂતો ભણેલા છે તેમની સહીઓ પણ અંગ્રેજીમાં કરી દેવામાં આવી હોવાનું સામે આવ્યું છે, જેનાથી ખેડૂતો ચોંકી ઉઠ્યા છે. પોતાની જાણ બહાર આ પ્રકારના દસ્તાવેજો તૈયાર થતા ખેડૂતોએ મંડળીના વહીવટ સામે બાયો ચડાવી છે.

આ સમગ્ર મામલે કાલસારીના નારાજ ખેડૂતોએ એકજૂથ થઈને વિસાવદર પોલીસ સ્ટેશનમાં લેખિત અરજી કરી છે. ખેડૂતોએ સ્પષ્ટ માગ કરી છે કે, આ 118 સભ્યોની નોંધણી અને દસ્તાવેજોની નિષ્પક્ષ તપાસ કરવામાં આવે.

ખેડૂતોએ આંદોલનની ઉચ્ચારી ચિમકી

સહકારી મંડળીઓ ખેડૂતોના ઉત્થાન માટે બનાવવામાં આવી હોય છે, પરંતુ જ્યારે તેમાં જ ભ્રષ્ટાચારના આક્ષેપો લાગે ત્યારે તે ગંભીર બાબત ગણાય છે. હાલ સમગ્ર પંથકમાં આ મામલો ચર્ચાનો વિષય બન્યો છે.

પોલીસ હવે આ અરજીના આધારે તપાસ શરૂ કરશે કે શું ખરેખર મંડળીમાં બોગસ સભ્યો બનાવીને સરકારી કે સંસ્થાકીય લાભો મેળવવાનો પ્રયાસ કરવામાં આવ્યો હતો. ખેડૂતોએ ચેતવણી આપી છે કે જો યોગ્ય તપાસ નહીં થાય તો તેઓ આંદોલનના માર્ગે પણ આગળ વધશે.

આ પણ વાંચો : Surat : ઉધના-લાલીમા વિસ્તારમાં જળસંકટ, ઘરોમાં કેદ થયા લોકો, કમર સુધીના પાણીમાં અવરજવર કરવા મજબૂર બન્યા સ્થાનિકો