Rajkot : બાળ સંરક્ષણ ગૃહમાંથી 11 સગીર ફરાર થવાનો કેસ, અત્યાર સુધી પોલીસે 8 સગીરને ઝડપી પાડયા

પોલીસે અત્યાર સુધી 8 સગીરને ઝડપી પાડયા

ગત રવિવારે આ ઘટના બની હતી અને પોલીસે અત્યાર સુધી 8 સગીરને ઝડપી પાડયા છે, અન્ય 3 સગીરને શોધવા માટે કવાયત ચાલું છે. તો પોલીસ એ પણ તપાસ કરી રહી છે કે આ સગીરોને ભગાડવા પાછળ કોનો મોટો હાથ છે.

એ ડિવિઝન પોલીસ સ્ટેશન વિસ્તારમાં ગોંડલ રોડ પર આવેલા બાળ સંરક્ષણ ગૃહ ખાતે રહેલા 11 જેટલા બાળકો 14 જુન 2026, રવિવારના રોજ નાસી ગયા હોવાની ઘટના સામે આવી હતી. સમગ્ર મામલાની ગંભીરતાને ધ્યાન રાખીને રાજકોટ જિલ્લા કલેક્ટર ડો. ઓમ પ્રકાશ, ડીસીપી રાકેશ દેસાઈ સહિતના ઉચ્ચ અધિકારી બાળ સંરક્ષણ ગૃહ ખાતે દોડી ગયા હતા.

ગૃહના અધ્યક્ષ અને ગાર્ડને શો-કોઝ નોટિસ

રવિવારના રોજ બાળ સંરક્ષણ ગૃહ ખાતેથી જે 11 બાળકો નાસી છૂટ્યા હતા. તે પૈકી કેટલાક બાળકોના વિરુદ્ધમાં હત્યા, હત્યાના પ્રયાસ, અપહરણ, દુષ્કર્મ, આર્મ્સ એક્ટ, ખંડણી, જાનથી મારી નાખવાની ધમકી, મારામારી, ચોરી તેમજ ધી ઈમીગ્રેશન એન્ડ ફોરેન એક્ટ સહિતની કલમ હેઠળ ગુના દાખલ થઈ ચૂક્યા હોવાનું સામે આવ્યું છે. રાજકોટ શહેરના બાળ સંરક્ષણ ગૃહમાંથી 11 બાળકો નાસી જવાના ગંભીર મામલે સમાજ સુરક્ષા વિભાગે કડક વલણ અપનાવ્યું છે.

આ પણ વાંચો : Vadodara : બાડમેરથી સુરત જતી ખાનગી બસનો ભયંકર અકસ્માત, 5 ના મોત, હજી પણ મૃત્યુઆંક વધે તેવી શકયતા