Kadi: ચૂંટણી પહેલા જ ભાજપનો વિજયધ્વજ, 36 માંથી 22 બેઠકો બિનહરીફ જીતીને વિપક્ષના સૂપડા સાફ
- Kadi નગરપાલિકામાં ચૂંટણી પહેલા જ ભાજપનો વિજય ઉત્સવ, 22 બેઠકો બિનહરીફ!
- કુલ 36 બેઠકોમાંથી 22 પર ભાજપના ઉમેદવારો સામે કોઈ વિરોધ પક્ષ મેદાનમાં ન રહ્યો
- વોર્ડ નંબર 1, 3 અને 6 માં ભાજપની આખી પેનલ બિનહરીફ ચૂંટાતા કેસરીયો લહેરાયો
- પૂર્વ નાયબ મુખ્યમંત્રી નીતિનભાઈ પટેલે કડીના મતદારો અને કાર્યકરોનો માન્યો આભાર
- કડીમાં છેલ્લા 40 વર્ષથી ભાજપનું એકહથ્થુ શાસન અકબંધ રહેતા કાર્યકરોમાં ભારે ઉત્સાહ
- ફોર્મ ભરવાના અંતિમ દિવસે વિપક્ષી ઉમેદવારોની ગેરહાજરીથી ભાજપની બહુમતી નિશ્ચિત
Kadi: ગુજરાતમાં સ્થાનિક સ્વરાજ્યની ચૂંટણીઓ (Local Body Elections) ના પડઘમ વાગી રહ્યા છે ત્યારે મહેસાણા જિલ્લાના કડીમાંથી ભાજપ માટે મોટા સમાચાર સામે આવ્યા છે. કડી નગરપાલિકા (Kadi Municipality Election) માં ફોર્મ ભરવાના અંતિમ દિવસે જે ચિત્ર સ્પષ્ટ થયું છે, તેમાં ભાજપે વિરોધ પક્ષોને મેદાનમાં ઉતરવાની તક પણ આપી નથી. નગરપાલિકાની કુલ 36 બેઠકોમાંથી 22 બેઠકો પર ભાજપના ઉમેદવારો બિનહરીફ (Unopposed) ચૂંટાઈ આવ્યા છે.
Kadi માં 40 વર્ષનું શાસન અકબંધ
કડી નગરપાલિકામાં છેલ્લા 40 વર્ષથી ભારતીય જનતા પાર્ટીનું શાસન અકબંધ છે. પૂર્વ નાયબ મુખ્યમંત્રી નીતિનભાઈ પટેલે (Dycm Nitin Patel) આ વિજય અંગે માહિતી આપતા જણાવ્યું હતું કે, વોર્ડ નંબર 1, 3 અને 6 માં ભાજપની આખી પેનલ બિનહરીફ જાહેર થઈ છે. વિપક્ષી ઉમેદવારોએ કાં તો ફોર્મ ભર્યા નથી અથવા તો અંતિમ સમયે મેદાન છોડી દીધું હતું, જેને કારણે ચૂંટણી યોજાય તે પહેલા જ ભાજપે બહુમતી મેળવી લીધી છે.
Kadi Nagarpalika election BJP 22 seats unopposed
Mehsana | Kadi Nagar Palika માં ભાજપનો દબદબો, 22 બેઠકો બિનહરીફ | Gujarat First
કુલ 36 બેઠકોમાંથી 22 પર ભાજપના ઉમેદવારોની બિનહરીફ જીત
ફોર્મ ભરવાના અંતિમ દિવસે વિપક્ષના ઉમેદવારો મેદાનમાં ન ઉતર્યા
વોર્ડ નંબર 1, 3 અને 6માં ભાજપની… pic.twitter.com/0tzIT731sY— Gujarat First (@GujaratFirst) April 11, 2026
પૂર્વ નાયબ મુખ્યમંત્રી નીતિનભાઈ પટેલે માન્યો આભાર
નીતિનભાઈ પટેલે આ ભવ્ય સફળતા માટે કડીના મતદારો, સમર્પિત કાર્યકર્તાઓ અને પ્રદેશ નેતૃત્વનો આભાર માન્યો હતો. તેમણે ઉમેર્યું કે, "આ જીત જનતાના ભાજપ પરના અતૂટ વિશ્વાસનું પરિણામ છે." કડીમાં ભાજપનો ગઢ (BJP Bastion) વધુ મજબૂત થયો છે અને બાકીની બેઠકો પર પણ ભાજપ ભવ્ય જીત મેળવશે તેવો આત્મવિશ્વાસ વ્યક્ત કર્યો હતો. ચૂંટણી પૂર્વે જ ૨૨ બેઠકો પર કેસરીયો લહેરાતા કાર્યકરોમાં ભારે ઉત્સાહ જોવા મળી રહ્યો છે.
આ પણ વાંચો: Election Battle: ડાંગમાં સાસુ-વહુ સામસામે તો અમરેલીમાં દેરાણી VS જેઠાણીનો જંગ