માયાભાઈ 'માફી પ્રકરણ'માં કરશનબાપુ ભાદરકાની એન્ટ્રી; કહ્યું- પેઢીઓ જૂની આત્મીયતા યાદ કરો

પેઢીઓથી પ્રેમભાવ અને આપણાપણું

કરશનબાપુ ભાદરકાએ જણાવ્યું કે, બંને સમાજ વચ્ચે પેઢીઓથી પ્રેમભાવ અને આપણાપણું રહ્યું છે. તેમણે કહ્યું, "આપણી લાગણીને યાદ કરીએ અને વિવાદમાં પેઢીઓ જૂના પ્રેમને દાગ ન લાગે તેનું ધ્યાન રાખીએ." આ અપીલમાં તેમણે સ્વાર્થ માટે સમાજને ગેરમાર્ગે દોરતા લોકોને રોકવાનો ધર્મ આપણો છે તેમ કહ્યું છે. તેમના મતે, સમાજને સાંધે તેને જ સાચો નેતા કહેવાય, જ્યારે સ્વાર્થ માટે સમાજનો ઉપયોગ કરનારને નેતા ન કહી શકાય.

કોળી અને આહીર સમાજને કરશનબાપુ ભાદરકાની અપીલ
"કોળી-આહીર સમાજ વચ્ચે અશાંતિનો માહોલ ઉભો થયો"
"વિવાદને નાથવાનો શ્રેષ્ઠ રસ્તો છે કે વાસ્તવિકતા સ્વીકારો"#Gujarat #KoliSamaj #AhirSamaj #MayabhaiAhir #KarshanbapuBhadarka #SocialHarmony #PeaceAppeal #GujaratFirst pic.twitter.com/EeCSj6GxRE

— Gujarat First (@GujaratFirst) January 1, 2026

એક ટિપ્પણીને લઈને થયો વિવાદ

આ વિવાદનું મૂળ માયાભાઈ આહીરના એક વીડિયોમાં કોળી સમાજ વિશે કરાયેલી ટિપ્પણીમાં છે, જેને લઈને કોળી સમાજમાં રોષ ફાટી નીકળ્યો હતો. ત્યારબાદ માયાભાઈએ માફી માંગી હતી, પરંતુ વિવાદ વધુ વકર્યો જ્યારે તેમના પુત્ર જયરાજ આહીર પર બગદાણા વિસ્તારમાં એક કોળી યુવાન પર હુમલાનો આરોપ લાગ્યો. આને લઈને કોળી સમાજના આગેવાનો જેમ કે હીરાભાઈ સોલંકીએ આંદોલનની ચીમકી ઉચ્ચારી છે અને નાયબ મુખ્યમંત્રીને મળવાનું એલાન કર્યું છે.

કરશનબાપુ એ આપ્યો શાંતિનો સંદેશ

કરશનબાપુએ આ તમામ વચ્ચે શાંતિનો સંદેશ આપ્યો છે. તેમણે કહ્યું કે, બંને સમાજે વાસ્તવિકતા સમજવાની જરૂર છે અને સત્યની સાથે હંમેશા રહેવું જોઈએ. તેમના મતે, અન્યને સ્વાર્થ સિદ્ધ કરવાનો મોકો ન મળે તેવી સમજણ રાખવી પડશે. આ અપીલથી બંને સમાજમાં શાંતિનું વાતાવરણ સર્જાય તેવી અપેક્ષા છે. કરશનબાપુ ભાદરકા આહીર સમાજના પ્રભાવશાળી વ્યક્તિત્વ તરીકે જાણીતા છે અને તેમના વક્તવ્યો સમાજમાં વજન ધરાવે છે.

કરશનબાપુ ની સકારાત્મક અપીલ

આ વિવાદથી ગુજરાતના સામાજિક વાતાવરણમાં તણાવ વધ્યો છે, પરંતુ કરશનબાપુની અપીલ એક સકારાત્મક પગલું છે. તેમણે ભારપૂર્વક કહ્યું કે, પેઢીઓ જૂની આત્મીયતાને જાળવીને હકારાત્મક અભિગમ અપનાવીએ. આને લઈને સોશિયલ મીડિયા પર પણ ચર્ચા ચાલી રહી છે અને ઘણા આગેવાનો તેમનું સમર્થન કરી રહ્યા છે. આગામી દિવસોમાં આ વિવાદ કેવી રીતે શમે તે જોવું રહ્યું.

આ પણ વાંચો- Patan : ભાગીને લગ્ન કર્યા તો સમાજ સ્વીકારશે નહીં : ઠાકોર સમાજનું નવું બંધારણ – વિશાળ સંમેલનની જાહેરાત