Kheda Rain News: નડિયાદમાં વરસાદે ધબધબાટી બોલાવી, અનેક વિસ્તારોમાં પાણી ભરાયા

 કલેક્ટર કચેરી પાસે જ પડ્યો ભૂવો

વરસાદના આ માહોલમાં શહેરના અનેક વિસ્તારોમાં જનજીવન ગંભીર રીતે પ્રભાવિત થયું હતું. નડિયાદના ડભાણ રોડ પર હાલમાં ડ્રેનેજ લાઈનની કામગીરી ચાલી રહી છે.  ભારે વરસાદ (Heavy rainfall) અને સતત પાણીના ભરાવાને કારણે કલેક્ટર કચેરીના મુખ્ય પ્રવેશદ્વાર પાસે જ એક વિશાળ ભૂવો પડતા પરિસ્થિતિ વધુ ગંભીર બની છે. આ ભૂવાના કારણે માર્ગ વ્યવહાર અત્યંત જોખમી બન્યો છે.

તંત્રમાં દોડધામ

ભૂવો પડવાની ઘટનાની જાણ થતાં જ સ્થાનિક વહીવટી તંત્ર તાત્કાલિક હરકતમાં આવ્યું હતું. તંત્ર દ્વારા તાત્કાલિક અસરથી 'JCB' મશીનો કામે લગાડીને ભૂવો પૂરવાની અને રસ્તાને પૂર્વવત કરવાની કામગીરી યુદ્ધના ધોરણે શરૂ કરવામાં આવી છે.

વિકાસકામો વરસાદ અડચણરૂપ બન્યો

નડિયાદ શહેરમાં એક તરફ સ્માર્ટ સિટી અંતર્ગત વિકાસના વિવિધ કામો પુરજોશમાં ચાલી રહ્યા છે, ત્યારે બીજી તરફ તોફાની વરસાદે આ વિકાસના કામોની ગુણવત્તા પર પ્રશ્નાર્થચિહ્નો ઊભા કર્યા છે. ડ્રેનેજ લાઈન અને રોડના ખોદકામ બાદ તંત્રની બેદરકારીને કારણે નાગરિકોને ભોગવવી પડતી આ મુશ્કેલીઓ હવે ચર્ચાનો વિષય બની છે.

આ પણ વાંચોઃ Ahmedabad Rain News : અમદાવાદમાં અચાનક વાતાવરણમાં પલટો! વાવાઝોડા અને વરસાદના કારણે ફ્લાઇટ ઓપરેશન પર અસર