વૃંદાવનના કથાકાર અનિરુદ્ધાચાર્ય મહારાજે વિરોધ વ્યક્ત કર્યો છે, અને સમગ્ર બોલીવુડ ઉદ્યોગ પર નિશાન સાધ્યું છે. મહારાજે કહ્યું, "બોલિવૂડના લોકો પોતાને ભગવાન માને છે. તેઓ માને છે કે, તેઓ ગમે તે કરે, કોઈ તેમને નુકસાન પહોંચાડી શકે નહીં કારણ કે, બોલીવુડ ખૂબ શક્તિશાળી છે. તેમની પાસે પૈસાની કોઈ કમી નથી, તેથી તેઓ ઘમંડથી ભરેલા છે.
- જાણીતા કથાકાર અનિરૂદ્ધાચાર્ચના નિશાને બોલીવૂડ
- બાંગ્લાદેશી ક્રિકેટરની ખરીદી મામલે આક્રોશ ઠાલવ્યો
- તેઓ સમાજને અનૈતિકતા શીખવે છે, શું ખરેખર કોઈ તેમને રોકી શક્યું છે ? - કથાકાર
Anuruddhacharya Slam Bollywood : બોલિવૂડના કિંગ ખાન, શાહરૂખ ખાનની ટીમ, કોલકાતા નાઈટ રાઈડર્સ (KKR) એ બાંગ્લાદેશી ખેલાડી મુસ્તફિઝુર રહેમાનને રૂ. 9 કરોડ (આશરે $1.9 મિલિયન) માં ખરીદ્યા પછી વિવાદ વધુ તીવ્ર બન્યો હતો. વિરોધ બાદ, BCCI એ KKR ને બાંગ્લાદેશી ખેલાડીને ટીમમાંથી દૂર કરવાનો નિર્દેશ આપ્યો હતો. દરમિયાન, વૃંદાવનના કથાકાર અનિરુદ્ધાચાર્ય મહારાજે આ બાબતનો વિરોધ વ્યક્ત કર્યો છે, અને સમગ્ર બોલીવુડ ઉદ્યોગ પર નિશાન સાધ્યું છે. બોલીવુડ અંગે, કથાકાર અનિરુદ્ધાચાર્ય મહારાજે કહ્યું, "બોલિવૂડના લોકો પોતાને ભગવાન માને છે. તેઓ માને છે કે, તેઓ ગમે તે કરે, કોઈ તેમને નુકસાન પહોંચાડી શકે નહીં કારણ કે, બોલીવુડ ખૂબ શક્તિશાળી છે. તેમની પાસે પૈસાની કોઈ કમી નથી, તેથી તેઓ ઘમંડથી ભરેલા છે કે, કોઈ તેમને સ્પર્શ કરી શકતું નથી. તેઓ ખુલ્લેઆમ ગુટખા અને દારૂનો પ્રચાર કરે છે. તેઓ સમાજને અનૈતિકતા શીખવે છે. તેઓ સિગારેટ, ગુટખા અને જુગારનો પ્રચાર કરે છે. શું ખરેખર કોઈ તેમને રોકી શક્યું છે ? કોણે તેમને નુકસાન પહોંચાડ્યું છે ? બોલીવુડ એટલે શક્તિ. તેઓ પોતાનામાં શક્તિશાળી લોકો છે. તમારા અને મારા જેવા સામાન્ય લોકો શું કરી શકે?"
![]()
આપણો મિત્ર કોણ છે ?
બાંગ્લાદેશી ખેલાડી મુસ્તફિઝુર રહેમાનને ટીમમાંથી બહાર કરવાના BCCIના KKRના નિર્દેશ અંગે કથાકાર અનિરુદ્ધાચાર્ય મહારાજે કહ્યું, "આપણે અહીં કહીએ છીએ, 'સાહ ખેલતી, ખાદી સખા'. જે તમારી સાથે રમે છે, તમારી સાથે ખાય છે, તે મિત્ર છે. આપણો મિત્ર કોણ છે ? જે આપણા હિન્દુઓને સળગાવી દે છે, જે આપણા સનાતનીઓને દિવસે જીવતા મારી નાખે છે."
તમે તેમને સમજાવી શકતા નથી
તેમણે વધુમાં કહ્યું કે, "મેં એક ઘટના જાણીકે બાળકને માર મારીને પતાવી દેવામાં આવ્યું હતું. આપણે એવા લોકો સાથે ક્રિકેટ કેમ રમીએ જેઓ આપણા હિન્દુઓને ખૂબ નફરત કરે છે, જેઓ આપણા સનાતનીઓને ખૂબ નફરત કરે છે ?, જેઓ ખરીદી કરી રહ્યા છે, તેમની પૂછપરછ થવી જોઈએ. તમે 9 કરોડ રૂપિયામાં ખરીદી કરી રહ્યા છો ? ઠીક છે, તમારી પાસે પૈસા છે, પણ શું તમે તેમને સમજાવી શકતા નથી કે, અમે ભારતીય છીએ, ભારતના લોકોએ અમને અમારી ઓળખ આપી છે ? તમે ભારતીય હિન્દુઓને જીવતા સળગાવી રહ્યા છો. ભારતમાંથી પૈસા કમાઈને, તમે તે એવા લોકોને મોકલી રહ્યા છો, જેઓ હિન્દુઓને નફરત કરે છે."
જનતા જ તેમને સુપર-ડુપર સ્ટાર બનાવે છે
કથાકાર અનિરુદ્ધાચાર્યએ સંબોધનમાં પૂછ્યું કે, "ફિલ્મ ઉદ્યોગની ભૂમિકા શું છે ? તેઓ ભારતીય જનતાને તેમની ફિલ્મો વેચીને પૈસા કમાય છે, અને પછી તે પૈસા અન્યત્ર વહેંચે છે. ભારતીય જનતા જ તેમને સુપર-ડુપર સ્ટાર બનાવે છે, પરંતુ તેમના હૃદયમાં બાંગ્લાદેશીઓ માટે ધડકે છે. શું આ વિશ્વાસઘાત નથી ? આ છેતરપિંડી છે. તમે હિન્દુઓની શ્રદ્ધા સાથે છેડછાડ કરી છે, અને તેમનો વિશ્વાસ તોડ્યો છે." આને વિશ્વાસઘાત કહેવાય છે.
આ પણ વાંચો ------- Astronomy and Panchang : પંચાંગ: હજારો વર્ષ જૂનું ભારતનું 'સુપર સાયન્સ'
