Youtuber Rachna Gurjar ના ઘરે ચોરી, સોનું-રોકડ સાથે એનર્જી ડ્રિંકની પેટી પણ ના છોડી !

Youtuber Rachna Gurjar, પોલીસ ફરિયાદ નોંધાઇ

મળતી માહિતી મુજબ, શિવપુરી જિલ્લાના નરવર પોલીસ સ્ટેશન વિસ્તાર હેઠળ આવતા મોહની ખ્યાવડા ગામમાં જાણીતા યુટ્યુબર રચના ગુર્જરના ઘરે આ મોટી ચોરીની ઘટના બની હતી. ચોરો તેમના ઘરમાંથી કિંમતી ડિવાઇસ, સોના-ચાંદીના દાગીના અને લાખોની રોકડ રકમ લઈ ગયા હતા. હાલમાં ચોરોનો કોઈ પત્તો લાગ્યો નથી. પોલીસે કેસ નોંધીને ઊંડાણપૂર્વક તપાસ શરૂ કરી છે. આ ચોરી પછી, સ્થાનિક લોકોમાં ઘણી ચર્ચા છે કે, રચના ઘણીવાર તેના વીડિયોમાં મોંઘા દાગીના અને વૈભવી જીવનશૈલી બતાવતી હતી, કદાચ તેથી જ ચોરોએ તેના ઘરને નિશાન બનાવ્યું હોઇ શકે છે.

Youtuber Rachna Gurjar, દરવાજો બહારથી બંધ કર્યો

યુટ્યુબર રચના ગુર્જરના જણાવ્યા અનુસાર, ચોરોએ મોડી રાત્રે ઘરના વાયર ફેન્સીંગને કાપીને પરિસરમાં પ્રવેશ કર્યો હતો. આ પછી, તેણે રચના અને તેના પતિ ઉદલ સિંહ ગુર્જરના રૂમનો દરવાજો બહારથી બંધ કરી દીધો, જેથી તેઓ બહાર ન આવી શકે. ચાલાક ચોરોએ ઘરમાં લગાવેલા સીસીટીવી કેમેરા પણ ઉપર તરફ ફેરવી દીધા, જેથી તેમની કોઈપણ હિલચાલ કેમેરામાં રેકોર્ડ ન થઈ શકે.

આ મુદ્દામાલ ચોરાયો

ઘરમાં પ્રવેશ્યા બાદ ચોરોએ રૂમ અને કબાટના તાળા તોડીને 1 લાખ 91 હજાર રૂપિયાની રોકડ, સોનાનું મંગળસૂત્ર, ચાર સોનાની વીંટી અને ચાંદીનો પટ્ટો ચોરી ગયા હતા. એટલું જ નહીં, જતા સમયે આ અજાણ્યા ચોરો લગભગ 8 હજાર રૂપિયાની કિંમતની એનજ્રી ડ્રિંકની પેટી પણ લઈ ગયા હતા.

પોલીસ તાત્કાલિક ઘટનાસ્થળે પહોંચી

રચના ગુર્જરના જણાવ્યા મુજબ, ચોરાયેલા કુલ સામાનની અંદાજિત કિંમત 7 થી 8 લાખ રૂપિયાની વચ્ચે છે. રચના ગુર્જરને ચોરીની જાણ સવારે લગભગ 4 વાગ્યે થઈ, જ્યારે તે પાણી પીવા માટે જાગી અને જોયું કે, તેના રૂમનો દરવાજો બહારથી બંધ છે. ચોરીની માહિતી મળતા જ પોલીસ ટીમ તાત્કાલિક ઘટનાસ્થળે પહોંચી ગઈ હતી, અને ઘટનાસ્થળનું બારીકાઈથી નિરીક્ષણ કર્યું હતું. પોલીસ હવે નજીકના ઘરો અને દુકાનોની બહાર લગાવેલા સીસીટીવી કેમેરાના ફૂટેજ સ્કેન કરી રહી છે અને ચોરોની શોધખોળ શરૂ કરી દીધી છે.

વીડિયો બનાવતી રહેશે

રચના ગુર્જરે આ સંદર્ભમાં શિવપુરી પોલીસ અધિક્ષકને મળ્યા હતા, અને ચોરોની તાત્કાલિક ધરપકડ કરવા અને ચોરાયેલો સામાન પાછો મેળવવાની માંગ કરી હતી. રચના ગુર્જરે સ્પષ્ટપણે કહ્યું કે, જ્યાં સુધી આરોપીઓની ધરપકડ નહીં થાય, ત્યાં સુધી તે આ મામલે વીડિયો બનાવતી રહેશે, અને સોશિયલ મીડિયા દ્વારા પોતાનો અવાજ ઉઠાવતી રહેશે.

આ પણ વાંચો - Premanand Maharaj ને હસાવનાર જોડી 30 કલાકે મળી આવી, જાણો સમગ્ર મામલો