Kutch : ભુજ મેકડોનાલ્ડ્સની ગંભીર બેદરકારી! વેજ બર્ગરના બદલે નોન-વેજ પીરસાતા ગ્રાહકમાં રોષ

હાલમાં આ મામલે નગરપાલિકાએ પણ કોઈ કાર્યવાહી કરી નથી અને ગ્રાહકે પણ નગરપાલિકાને જાણે કરી છે કે નહી તેની માહિતી નથી.

ભુજની મેક ડોનાલ્ડ્સ રેસ્ટોરન્ટમાં વિવાદ

ભુજના ત્રિમંદિર નજીક આવેલ મેક ડોનાલ્ડ્સ રેસ્ટોરન્ટમાં વિવાદ થયો છે જેમાં વેજ ઓર્ડરની જગ્યાએ નોનવેજ આપવામાં આવ્યો હોવાનો ગ્રાહકનો આક્ષેપ છે, ગ્રાહકના જણાવ્યા મુજબ તેમણે વેજનો ઓર્ડર આપ્યો હતો પરંતુ તેમને નોનવેજ આપવામાં આવ્યું અને આ ઘટનાને પગલે ગ્રાહકમાં ભારે રોષ ભભુકયો છે.

ગ્રાહકે રેસ્ટોરન્ટના સંચાલકો સામે નારાજગી વ્યક્ત કરી છે. ગ્રાહકે સમગ્ર મામલે બેદરકારી બદલ જવાબદારો સામે કાર્યવાહી કરવાની માગ કરી છે.

ગ્રાહકો ફૂડ વિભાગને કરી શકે છે ફરિયાદ

જયારે પણ આવી ઘટના બને તે સમયે ગ્રાહક ફૂડ વિભાગને પણ આ મામલે જાણ કરી ફરિયાદ નોંધાવી શકે છે. જો વાતમાં તથ્ય હોય તો તંત્ર પણ રેસ્ટોરન્ટને સીલ મારવા સુધીની કામગીરી કરતું હોય છે.

તો આવા કિસ્સા ગુજરાતમાં ઘણા બન્યા છે જેમાં ગ્રાહકે વેજ ફૂડ મંગાવ્યું હોય અને નોનવેજ ફૂડ આવ્યું હોય ત્યારે તંત્રએ દંડ ફટકારવા સુધીની પણ કામગીરી કરી છે.

આ પણ વાંચો : પોલીસની પંચાત : નારણપુરા પોલીસ ઉંઘતી રહી અને ક્રાઈમ બ્રાંચે રેડ કરી દીધી, N ડિવિઝનના કીરૂ ભાઈનો સ્વભાવ તો ભારે ગરમ !