Kutch : ભક્તિના ઓથે નશાનો કારોબાર, ભચાઉમાં મંદિરના પરિસરમાં ગાંજાનું વાવેતર ઝડપાયું

• Kutch ના ભચાઉ નજીક પોલીસનો મોટો દરોડો
• હનુમાન મંદિર પરિસરમાં ગાંજાની ખેતી ઝડપાઈ!
• મંદિરના મહંત લખનગીરી મુનશીલાલની ધરપકડ
• ગાંજાના 59 છોડ અને સૂકો જથ્થો જપ્ત કરાયો
• કુલ 3.55 લાખનો મુદ્દામાલ પોલીસે કબજે કર્યો
• ધાર્મિક સ્થળનો નશા માટે ઉપયોગ થતા પંથકમાં ચકચાર

સરહદી જિલ્લા કચ્છ (Kutch) માંથી નશાના કારોબારનો એક ચોંકાવનારો કિસ્સો પ્રકાશમાં આવ્યો છે. ભચાઉ નજીક આવેલા એક પવિત્ર મંદિરના પરિસરમાં ગાંજાનું વાવેતર (Ganja Plantation] કરવામાં આવ્યું હોવાની બાતમી મળતા પોલીસે દરોડો પાડીને મોટા પ્રમાણમાં જથ્થો ઝડપી પાડ્યો છે.

Kutch : મંદિર પરિસરમાં ગાંજાની ખેતી 

ભચાઉ પોલીસે બાતમીના આધારે પ્રગટ પહાડી હનુમાન મંદિર (Pragat Pahadi Hanuman Temple] ના પરિસરમાં ઓચિંતો દરોડો (Police Raid] પાડ્યો હતો. આ દરોડા દરમિયાન પોલીસ અધિકારીઓ પણ સ્તબ્ધ થઈ ગયા હતા, કારણ કે મંદિરના પ્રાંગણમાં જ ગાંજાના છોડ ઉછેરવામાં આવી રહ્યા હતા. પોલીસે સ્થળ પરથી ગાંજાના કુલ 59 લીલા છોડ (Ganja Plants] મળી આવ્યા હતા.

મુદ્દામાલ અને ધરપકડ 

પોલીસ કાર્યવાહી દરમિયાન સ્થળ પરથી માત્ર લીલા છોડ જ નહીં, પરંતુ વેચાણ માટે રાખવામાં આવેલો સૂકો ગાંજો (Dry Ganja] પણ મળી આવ્યો છે. પોલીસે કુલ 3.55 લાખ રૂપિયાનો મુદ્દામાલ (Total Seizure Value] જપ્ત કર્યો છે. આ ગેરકાયદેસર પ્રવૃત્તિમાં સંડોવાયેલા મંદિરના મહંત લખનગીરી મુનશીલાલ (Mahant Lakhangiri Munshilal] ની તાત્કાલિક અસરથી ધરપકડ (Arrest] કરવામાં આવી છે.

NDPS એક્ટ હેઠળ ગુનો નોંધીને કાર્યવાહી

ભચાઉ પોલીસે NDPS એક્ટ હેઠળ ગુનો નોંધીને વધુ તપાસ હાથ ધરી છે. આ ગાંજાનું વાવેતર કેટલા સમયથી કરવામાં આવતું હતું અને તેનો સપ્લાય ક્યાં કરવામાં આવતો હતો તે દિશામાં પોલીસે પૂછપરછ શરૂ કરી છે. ધાર્મિક સ્થળનો ઉપયોગ નશાના વેપાર માટે થતા સ્થાનિક લોકોમાં પણ ભારે રોષ અને આશ્ચર્ય જોવા મળી રહ્યું છે.

આ પણ વાંચો : Gopal Italia : MLA ગોપાલભાઈ ઈટાલિયાની કથિત ઓડિયો વાયરલ, માતાનાં નામે રાજકીય રોટલા શેકવાનો પ્રયાસ?