Kutch જિલ્લા પર કુદરતનો કોપ, વરસાદ ખેંચાતા પશુપાલકોની મુશ્કેલીમાં વધારો, ઘાસચારાની ભારે તંગી

પશુધન માટે ઘાસચારાનો જથ્થો ખૂટી રહ્યો છે

વરસાદ ન પડવાને કારણે પશુધન માટે ઘાસચારાનો જથ્થો ખૂટી રહ્યો છે. જો સમયસર ઘાસચારો ઉપલબ્ધ નહીં કરાવાય, તો પશુધનના જીવ જોખમમાં મુકાઈ શકે છે. સરપંચોએ માંગ કરી હતી કે, વહીવટી તંત્ર દ્વારા તાત્કાલિક અસરથી વિવિધ વિસ્તારોમાં ઘાસ ડેપો શરૂ કરવામાં આવે અને પશુપાલકોને પૂરતો ઘાસચારો સસ્તા દરે ફાળવવામાં આવે.

પશુપાલકોની ચિંતા વ્યક્ત કરતા સંગઠનના આગેવાનોએ જણાવ્યું હતું કે, જો આગામી દિવસોમાં વરસાદ નહીં પડે તો સ્થિતિ વધુ ગંભીર બનશે.

કચ્છનું અર્થતંત્ર પશુપાલન પર નિર્ભર છે

ખેડૂતો અને પશુપાલકોના હિતમાં ત્વરિત નિર્ણય લેવાની માંગ સાથે સંગઠને સરકારને ચેતવણી પણ આપી છે કે વહેલી તકે જો પગલાં નહીં લેવાય તો પશુપાલકો માટે મુસીબતનો પહાડ તૂટી પડશે.

આ રજૂઆત બાદ જિલ્લા વહીવટીતંત્રે પશુપાલકોની વ્યથાને ગંભીરતાથી સાંભળી હતી. કલેક્ટર દ્વારા સરપંચ સંગઠનને આશ્વાસન આપવામાં આવ્યું છે કે, પરિસ્થિતિ પર સતત દેખરેખ રાખવામાં આવી રહી છે અને જરૂર પડ્યે તાત્કાલિક રાહતની કામગીરી શરૂ કરવામાં આવશે.

આ પણ વાંચો : Surendranagar જિલ્લા આરોગ્ય વિભાગ દ્વારા 'નમો સ્વચ્છતા અભિયાન' હેઠળ તમામ આરોગ્ય કેન્દ્રો કરાયા સુઘડ