Kutch માં ગેરકાયદે બાંધકામ સામે ઝીરો ટોલરન્સ, બુટલેગર રમજુ ગંઢની બે દુકાનો તંત્રએ જમીનદોસ્ત કરી

સરકારી જમીન પર કર્યુ હતુ બાંધકામ

હાલના જંત્રી દર મુજબ આ ગેરકાયદેસર દબાણની કિંમત અંદાજે રૂ. 2.05 લાખ જેટલી આંકવામાં આવી રહી છે. આરોપીનો ગુનાહિત ઇતિહાસ જોતા, વહીવટી તંત્ર અને પોલીસ બંનેએ સંયુક્ત ઓપરેશન પાર પાડીને આ જગ્યાને મુક્ત કરાવી હતી.

આ સમગ્ર કાર્યવાહી પૂર્વ કચ્છના પોલીસ વડા સાગર બાગમારના માર્ગદર્શન હેઠળ હાથ ધરવામાં આવી હતી. પોલીસ અને વહીવટી તંત્રના અધિકારીઓ તેમજ કર્મચારીઓનો કાફલો ઘટનાસ્થળે પહોંચ્યો હતો અને જેસીબી મશીન વડે આ ગેરકાયદેસર દબાણને જમીનદોસ્ત કર્યું હતું.

ગાંધીધામમાં તંત્રનું બુલડોઝર એક્શન

અગાઉ પણ આરોપી સામે પ્રોહિબિશન એક્ટ સહિતના અનેક ગંભીર ગુનાઓ નોંધાયેલા છે, જે જોતા તંત્ર દ્વારા આ કાર્યવાહીને ખૂબ જ મહત્વની માનવામાં આવી રહી છે. તંત્ર દ્વારા સ્પષ્ટ સંદેશ આપવામાં આવ્યો છે કે ગેરકાયદેસર પ્રવૃત્તિઓ અને સરકારી જમીન પરના દબાણો સામે આગામી દિવસોમાં પણ આવી જ કડક કાર્યવાહી જારી રાખવામાં આવશે.

આ પણ વાંચો : Ahmedabad ના ત્રાગડમાં આવેલ શિક્ષાપત્રી રેસીડેન્સીના બેઝમેન્ટમાં ઘૂસ્યા પાણી, AMC અને GMC ની હદને લઈ પિસાઈ રહી છે જનતા!