Kutch : ભચાઉના કરમરિયા ગામમાં શિક્ષકની અનોખી વિદાય, 27 વર્ષ સેવા આપનાર શિક્ષક પર ગ્રામજનોએ વરસાવ્યો પ્રેમ

સમગ્ર કાર્યક્રમ દરમિયાન લાગણીસભર વાતાવરણ જોવા મળ્યું

કચ્છના ભચાઉ તાલુકાના કરમરિયા ગામમાં જે દ્રશ્યો જોવા મળ્યા તે ખરેખર અવિસ્મરણીય હતા. અહીં છેલ્લા 27 વર્ષથી શાળામાં સેવા આપતા શિક્ષક રવિન્દ્રભાઈ પટેલની બદલી થતાં ગ્રામજનોએ તેમને એવી વિદાય આપી કે જે આખા જિલ્લામાં ચર્ચાનો વિષય બની ગઈ છે.

રવિન્દ્રભાઈ પટેલ માટે આ માત્ર એક બદલીનો કાર્યક્રમ નહોતો, પરંતુ તેમના વર્ષોના તપ અને વિદ્યાર્થીઓ પ્રત્યેના પ્રેમના ફળનો દિવસ હતો. 27 વર્ષથી શાળામાં સેવા આપી તેને લઈ ગ્રામજનોએ તેમને વિદાય આપવા માટે ભવ્ય શોભાયાત્રાનું આયોજન કર્યું હતું.

વિદાય સમારંભ દરમિયાન ગામના અનેક લોકો રડી પડ્યા હતા

શાળાથી શરૂ થયેલી આ યાત્રા આખા ગામમાં ફરી હતી, જેમાં ગામના નાના બાળકોથી લઈને વડીલો સુધીના તમામ લોકો જોડાયા હતા. લોકોએ જાણે કોઈ ઉત્સવ હોય તેમ શિક્ષકનું પુષ્પવર્ષા સાથે સ્વાગત કર્યું હતું.

ગામલોકોના મનમાં રવિન્દ્રભાઈ માટે કેટલો આદર હતો, તે વાતનો અંદાજ એ વાત પરથી લગાવી શકાય કે ગામના લોકોએ સાથે મળીને શિક્ષકને આશરે પાંચ લાખ રૂપિયાના સોનાના દાગીના ભેટ તરીકે આપ્યા હતા. આ કોઈ કિંમતી ભેટ નહોતી, પણ રવિન્દ્રભાઈના સમર્પણની એક નાનકડી ઓળખ હતી.

આ પણ વાંચો : Bhavnagar મેડિકલ કોલેજ રેગિંગ કેસ, 4 વિદ્યાર્થીઓની સજામાં 9 મહિનાનો ઘટાડો, કુલપતિના નિર્ણયથી વિવાદ

 

View this post on Instagram

 

A post shared by Gujarat First (@gujaratfirst)