Kutch : માંડવી બીચ પર પ્રવાસી યુવક દરિયામાં તણાયો, સ્થાનિક લોકોએ જીવના જોખમે દરિયામાં કૂદી દિલધડક રેસ્ક્યૂ કર્યુ

યુવકને સલામત રીતે બહાર કાઢવામાં આવ્યો

કચ્છના સુપ્રસિદ્ધ પ્રવાસી મથક માંડવી બીચ પરથી એક ચોંકાવનારી ઘટના સામે આવી હતી. જ્યાં દરિયાના ઘુઘવતા પાણીમાં ન્હાવા પડેલો એક પરપ્રાંતીય યુવક દરિયાના મજબૂત કરંટ અને ઊંચી લહેરોમાં અચાનક તણાવા લાગ્યો હતો.

અને બચાવો-બચાવોની બૂમો સંભળતા સ્થાનિકો પણ ત્યાં પહોંચ્યા હતા અને માંડ-માંડ તેનો જીવ બચાવ્યો હતો અને રેસ્કયૂ કરીને તેને દરિયામાંથી બહાર કાઢયો હતો, તો લોકોના ટોળા દરિયા કિનારે ઉમટયા હતા અને તેને સારવાર માટે માંડવીની સિવિલ હોસ્પિટલમાં ખસેડાયો છે.

દરિયામાં તણાયેલા પ્રવાસી યુવકને સ્થાનિકોએ બાચાવ્યો

કેટલાક પરપ્રાંતીય યુવાનો માંડવીના દરિયાકિનારે પ્રવાસ અર્થે ફરવા માટે આવ્યા હતા.આ દરમિયાન યુવાનો દરિયા કિનારે મસ્તી કરી રહ્યા હતા ત્યારે અચાનક દરિયામાં ઊંચા મોજા ઉછળવાના શરૂ થયા હતા.

જોતજોતામાં એક યુવક દરિયાના પાણીના તણાવમાં આવી ગયો હતો અને ઊંડા પાણી તરફ ખેંચાવા લાગ્યો હતો.યુવકને ડૂબતો જોઈને કિનારે ઉભેલા તેના મિત્રોએ બૂમાબૂમ કરી મૂકી હતી.આ કપરી પરિસ્થિતિમાં ત્યાં હાજર સ્થાનિક લોકો અને નાવિકોએ સહેજ પણ સમય ગુમાવ્યા વિના માનવતા મહેકાવી હતી.

આ પણ વાંચો : B. J. Medical College માં રેગિંગ કેસમાં 3 પીજી વિધાર્થીને સસ્પેન્ડ કરાયા