• આજે ભારતની કોયલ ગણાતા સ્વર્ગીય લતા મંગેશકરની જન્મતિથિ છે
• આ તકે અનેક હિટ ફિલ્મોના ડાયરેક્ટર ઓમ પ્રકાશ મહેરાએ કિસ્સો શેર કર્યો
• લતા મંગેશકરે કલાકો સુધી ઉભા રહીને સોંગ રેકોર્ડ કર્યું હતું

Lata Mangeshkar Birth Anniversary : સ્વર્ગસ્થ ગાયિકા લતા મંગેશકર (Late Singer Lata Mangeshkar) બોલીવુડના શ્રેષ્ઠ ગાયકોમાંના એક હતા. તેમણે પોતાના અવાજથી લાખો લોકોના દિલ જીતી લીધા હતા. ભલે તેઓ હવે આપણી વચ્ચે નથી, તેમના ગીતો હજુ પણ દરેકના હોઠ પર છે. આજે, 28 સપ્ટેમ્બર, તેમનો 96મો જન્મ દિવસ (Lata Mangeshkar Birth Anniversary) છે. ચાલો તેમના જીવનનો એક કિસ્સો જાણીએ, જે ફિલ્મ નિર્માતા રાકેશ ઓમપ્રકાશ મહેરા દ્વારા શેર કરવામાં આવ્યો છે.

ફિલ્મ સાથે ગીતો પણ સુપર હીટ રહ્યા હતા

આ કિસ્સો ફિલ્મ "રંગ દે બસંતી" સાથે સંબંધિત છે, આ ફિલ્મ 2006 માં રિલીઝ થઈ હતી અને બોલીવુડની સૌથી મોટી હિટ ફિલ્મોમાંની એક હતી. ફિલ્મની વાર્તાની સાથે, તેના ગીતોને પણ ખૂબ જ પસંદ કરવામાં આવ્યા હતા. ફિલ્મમાં "લુકા છુપી" નામનું એક ભાવનાત્મક ગીત હતું, જે ભારતના કોયલ ગણાતા લતા મંગેશકરે (Late Singer Lata Mangeshkar) ગાયું હતું. ફિલ્મ નિર્માતાએ આ ગીત સાથે સંબંધિત એક કિસ્સો શેર કર્યો છે.

ચેન્નાઈ જવાનો આગ્રહ રાખ્યો

મીડિયા સાથે વાત કરતા રાકેશ ઓમપ્રકાશ મહેરાએ કહ્યું, "લતાજીએ (Late Singer Lata Mangeshkar) ગીતનું રિહર્સલ કર્યું હતું, એ તેમની મહાનતા છે. તેમણે મને ફોન કરીને પૂછ્યું કે શું તેઓ ગીત રેકોર્ડ કરવા માટે ચેન્નાઈ જઈ શકે છે. પછી મેં તેમને કહ્યું કે, રહેમાન તેમની સાથે રેકોર્ડ કરવા માટે મુંબઈ આવશે, પરંતુ ગાયિકાએ ચેન્નાઈ જવાનો આગ્રહ રાખ્યો હતો. તેમણે કહ્યું કે, જો હું તેમની સાથે જાઉં તો સારું રહેશે."

બેસવાનો ઇનકાર કર્યો

તેમણે આગળ સમજાવ્યું, "તે ખૂબ જ નમ્ર હતા. તે ત્રણ દિવસ પહેલા આવ્યા હતા, અને એરપોર્ટથી સીધી સ્ટુડિયો ગયા હતા. ત્યારબાદ, એ.આર. રહેમાને તેમનું સ્વાગત કર્યું, અને ગાયકે રચના સાંભળી. લતા મંગેશકરે (Late Singer Lata Mangeshkar) વિનંતી કરી કે, ગીત તેમને કેસેટમાં આપવામાં આવે જેથી તેઓ રિહર્સલ કરી શકે. પછી, જ્યારે તેઓ ચોથા દિવસે રેકોર્ડિંગ માટે આવ્યા, ત્યારે તેમણે ગાતી વખતે ઉભા રહેવાનો આગ્રહ રાખ્યો. તેમણે રહેમાન સાથે ગાવાનું અને જૈમિંગ કરવાનું શરૂ કર્યું હતું, અને પછી 8-10 કલાક સુધી બેસવાનો ઇનકાર કર્યો, ગીત પૂર્ણ થાય ત્યાં સુધી ઉભા જ રહ્યા હતા."

આ પણ વાંચો ------ દિવિતા જુનેજાના નેચરલ અભિનયનો ચાલ્યો જાદુ! માત્ર 2 અઠવાડિયામાં Heer Express એ ₹94.2 મિલિયનની કમાણી કરી