Leh Accident : મુસાફરોથી ભરેલી બસ 200 મીટર ઉંડી ખીણમાં પડી, 6 થી વધુના મોત, 22 લોકો ઘાયલ
- લદ્દાખના લેહમાં ગંભીર અકસ્માત
- મુસાફરોથી ભરેલી બસ ખાઈમાં પડી
- 6 લોકોના મોત, 22 લોકો ઘાયલ
કેન્દ્રશાસિત પ્રદેશ લદ્દાખના લેહ (Leh) વિસ્તારમાંથી એક ભયાનક અકસ્માત (Accident)ના સમાચાર આવી રહ્યા છે. મળતી માહિતી મુજબ, લેહ (Leh)થી પૂર્વ લદ્દાખ જઈ રહેલી એક ખાનગી બસ 200 મીટર ઉંડી ખીણમાં પડી ગઈ છે. આ દુર્ઘટનામાં અત્યાર સુધીમાં 6 લોકોના મોત થયાના અહેવાલ છે. તે જ સમયે, 22 લોકો ઘાયલ હોવાનું કહેવાય છે. તમામ ઈજાગ્રસ્તોને તાત્કાલિક હોસ્પિટલમાં લઈ જવામાં આવ્યા છે જ્યાં તેમની સારવાર ચાલી રહી છે.
કેવી રીતે થયો અકસ્માત?
અત્યાર સુધી પ્રાપ્ત માહિતી અનુસાર, બસ ખાઈમાં પડી જવાની ઘટના લેહ (Leh)ના ડરબુક વિસ્તારમાં બની હતી. અહીં બસ પૂર્વ લદ્દાખ તરફ જઈ રહી હતી પરંતુ અકસ્માત (Accident) સર્જાયો અને 200 મીટર ઊંડી ખીણમાં પડી ગઈ. કેટલાક ઘાયલોની હાલત ગંભીર છે અને તેમને સારવાર માટે જિલ્લા હોસ્પિટલ SNM લેહ (Leh)માં લઈ જવામાં આવ્યા છે. વધુ વિગતોની રાહ જોવાઈ રહી છે.
#WATCH | Leh, Ladakh: Six passengers died and 22 others were injured when a private bus travelling from Leh to Eastern Ladakh fell into a 200 metre deep gorge. The injured have been shifted to District Hospital SNM Leh. Some of them are critical. Further details awaited: DC Leh,… pic.twitter.com/JvRe8HvTMT
— ANI (@ANI) August 22, 2024
આ પણ વાંચો : કોલકતા કેસમાં વકીલ પર ભડક્યા CJI, કહ્યું - સોશિયલ મીડિયામાંથી જ્ઞાન લઇને અહીં ન સંભળાવશો
હેલિકોપ્ટરની મદદથી બચાવ...
લેહ (Leh)ના ડેપ્યુટી કમિશનર સંતોષ સુખદેવે જણાવ્યું કે બસમાં શાળાના કર્મચારીઓ હતા જેઓ લગ્ન સમારોહમાં જઈ રહ્યા હતા. તેમણે જણાવ્યું કે આ દરમિયાન બસ દુર્બુક વિસ્તારમાં ખાઈમાં પડી ગઈ હતી. અધિકારીએ જણાવ્યું કે જિલ્લા વહીવટીતંત્ર અને પોલીસ કર્મચારીઓએ ઘાયલોને સ્થાનિક હોસ્પિટલમાં દાખલ કર્યા, જ્યાં તેમને પ્રાથમિક સારવાર આપવામાં આવી. હેલિકોપ્ટરની મદદથી 22 ઘાયલોને લેહ (Leh)ની SNM હોસ્પિટલ અને આર્મી હોસ્પિટલમાં લઈ જવામાં આવ્યા હતા. સુખદેવે જણાવ્યું કે ઘાયલોમાં બેની હાલત નાજુક છે.
આ પણ વાંચો : Ayodhya Gangrape Case : મોઈદ ખાનના શોપિંગ કોમ્પ્લેક્સ પર બુલડોઝર ચલાવવામાં આવ્યું