Leopard attack : વનપ્રાણી સામે માનવ હિંમતની અનોખી ઘટના, દીપડાની પૂંછડી પકડી અને...Video

• ચિક્કાકોટ્ટીગેહલ્લીની ઘટનાએ લોકોના હોશ ઉડાવ્યા
• Leopard ની પૂંછડી પકડીને ખતરનાક પરિસ્થિતિને ટાળી
• દીપડાને કાબૂમાં કરવા માટે 43 વર્ષના ખેડૂતનો શૂરવિર પગલું

દીપડો (Leopard) એક એવું પ્રાણી છે, જેને જોયા બાદ ભલભલા લોકોની પણ હાલત કફોડી થઈ જાય છે. ઘણી વખત આ પ્રાણી ભટકીને માણસોના વિસ્તારમાં પણ પહોંચી જાય છે. તાજેતરમાં કર્ણાટકમાં એક દીપડો (Leopard) રહેણાંક વિસ્તારમાં પહોંચ્યો હતો. અચાનક દીપડો (Leopard) મહિલાઓ અને બાળકો તરફ આગળ વધવા લાગ્યો અને 43 વર્ષના એક વ્યક્તિએ હિંમત બતાવીને તેની પૂંછડી પકડી લીધી. તેનો વીડિયો (Video) વાયરલ થઈ રહ્યો છે.

આ ઘટના બેંગલુરુથી 160 કિમી દૂર કર્ણાટકના તુમકુરુ જિલ્લામાં ચિક્કાકોટ્ટીગેહલ્લી ખાતે બની હતી. ગ્રામીણ ખેડૂતોએ વન વિભાગને જાણ કરી કે ગામમાં દીપડો (Leopard) આવ્યો છે. જ્યારે વન વિભાગની ટીમ ઘટના સ્થળે પહોંચી ત્યારે દીપડો (Leopard) ઝાડીમાં ક્યાંક ગાયબ થઈ ગયો હોવાનું જાણવા મળ્યું હતું. વન અધિકારીએ કહ્યું, “તેના પગના નિશાન આખા ખેતરમાં હતા, પરંતુ અમે પ્રાણીને જોઈ શક્યા નહીં. પાંજરું ગોઠવ્યા પછી, અમે જાળી લીધી અને તેને શોધવાનું શરૂ કર્યું.

આ પણ વાંચો : Jamnagar:મહિલાએ ગલૂડિયાને સ્કૂટી પાછળ બાંધી ઢસડ્યું, Viral Video

ભયજનક પ્રાણી મહિલાઓ અને બાળકો તરફ આગળ વધ્યો...

બધાએ દીપડાને શોધવાનું શરૂ કરતાં જ તે અચાનક ઝાડીઓમાંથી બહાર આવી ગયો હતો. લોકોએ દીપડાને જોતા જ ડરથી ચીસો પાડવાનું શરૂ કર્યું, જેથી તે કૂદીને ભાગી ગયો. અધિકારીઓએ તેને પકડવા માટે જાળી નાંખી પરંતુ દર વખતે દીપડો (Leopard) નાસી છૂટ્યો. જ્યારે આ ભયજનક પ્રાણી મહિલાઓ અને બાળકો તરફ આગળ વધ્યું ત્યારે પરિસ્થિતિ વધુ ખતરનાક બની હતી. ત્યારબાદ 43 વર્ષના યોગાનંદ એક્શનમાં આવ્યા. તેઓએ મહિલાઓ અને બાળકો તરફ જતા દીપડાની પૂંછડી પકડીને તેને જતો અટકાવ્યો હતો.

આ પણ વાંચો : ઘાયલ હાથી મદદ માંગવા ગામમાં પહોંચ્યોં, તેની અક્કલ જોઈને લોકો દંગ રહી ગયા, જાણો આગળ શું થયું ?

દીપડાને પકડીને બચાવ કેન્દ્રમાં લઇજવાયો...

યોગાનંદે કહ્યું કે તેમને સમજાયું કે મહિલાઓ અને બાળકો જોખમમાં છે. દીપડો (Leopard) ભીડ પર હુમલો કરી શક્યો હોત અને કોઈને ઈજા થઈ હોત. આ પછી લોકો દીપડાને પણ મારવામાં સફળ રહ્યા હતા. યોગાનંદે વધુમાં કહ્યું કે, જ્યારે તેણે જોયું કે દીપડો (Leopard) ધીમો ચાલતો હતો જાણે તેને કોઈ સ્વાસ્થ્ય સમસ્યા હોય. ભગવાન પર ભરોસો રાખીને, મેં દીપડાને તેની પૂંછડીથી પકડ્યો અને મારી બધી શક્તિથી તેને પાછો ખેંચ્યો. જ્યારે દીપડો પાછો ફર્યો, અધિકારીઓએ તેના પર જાળી નાખી, આમ તેને પકડી લેવામાં આવ્યો અને મૈસૂરના બચાવ કેન્દ્રમાં લઈ જવામાં આવ્યો.

આ પણ વાંચો : તેણે દીદી સાથે ઘણું ખોટું કર્યું, Viral Video જોઈને લોકોએ આપી પ્રતિક્રિયા...