Bhuj : કચ્છના ઢોરી ગામે પ્રેમ પ્રકરણનો ખૂની અંજામ, 26 વર્ષીય યુવતીની પથ્થર મારી નિર્દય હત્યા
- Bhuj : પ્રેમમાં ના મળી તો પથ્થર મારી મોતને ઘાટ : કચ્છના ઢોરી ગામે યુવતીની નૃશંસ હત્યા
- બીજા લગ્નની વાતથી ઉશ્કેરાયો પ્રેમી, ઝરીનાનું માથું ફોડી નાખ્યું
- કચ્છમાં ફરી પ્રેમ પ્રકરણનો ખૂની અંજામ : 26 વર્ષીય ઝરીનાની પથ્થરથી હત્યા
- ઢોરી ગામે દૂધ ડેરીની ઓરડીમાં યુવતીનું લોહીલુહાણ મૃતદેહ મળ્યું, પ્રેમી ઝડપાયો
- ના સ્વીકારી તો જીવ લીધો : કચ્છમાં પ્રેમીએ પ્રેમિકાને પથ્થર મારી મારી નાખી
Bhuj : ભુજ તાલુકાના ઢોરી ગામે રવિવારે બપોરે એક ચોંકાવનારી ઘટના બની છે. 26 વર્ષીય ઝરીનાબેન દાઉદ કુંભારની પથ્થર વડે માથું અને મોઢું છૂંદી નાખી નૃશંસ હત્યા કરી દેવામાં આવી છે. મૃતદેહ ગામની દૂધ ડેરીની ઓરડીમાં લોહીથી ખરડાયેલી હાલતમાં મળી આવ્યો હતો.
ઝરીનાબેનનો પ્રથમ પતિ સાથે છૂટાછેડા થયા બાદ તે માવતરે રહેતી હતી. પરિવાર તેના બીજા લગ્ન નક્કી કરવાની તૈયારીમાં હતો. દરમિયાન ગામના જ હરેશ કાનજીભાઈ ગાગલ (ઉં. આશરે 30) સાથે તેનો લાંબા સમયથી પ્રેમ સંબંધ હતો. રવિવારે હરેશે ઝરીનાને ડેરીની ઓરડીમાં મળવા બોલાવી હતી.
પોલીસને મળેલી પ્રાથમિક માહિતી મુજબ, મુલાકાત દરમિયાન ઝરીનાએ બીજા લગ્નની વાત કરી તો હરેશ ગુસ્સે ભરાયો હતો. એકતરફી પ્રેમમાં પાગલ બનેલો હરેશ નજીક પડેલો મોટો પથ્થર ઉપાડીને ઝરીના પર તૂટી પડ્યો અને વારંવાર પ્રહાર કરી તેને ઘટનાસ્થળે જ મોતને ઘાટ ઉતારી દીધી હતી. હત્યા બાદ હરેશ ત્યાંથી નાસી છૂટ્યો હતો.
કચ્છના ભુજ તાલુકામાં મહિલાની હત્યાથી હાહાકાર !
ભુજ તાલુકાના ઢોરી ગામે બની ઘટના
અજાણ્યા ઈસમોએ તિક્ષ્ણ હથિયારના ઘા મારી હત્યા
કુંભાર ઝરીનાબેન દાઉદ નામની મહિલાની હત્યા
મહિલાનો મૃતદેહ ભુજની જનરલ હોસ્પિટલમાં લવાયો
હત્યા કેસ મામલે પોલીસે હાથ ધરી તપાસ#BhujMurderCase #KutchCrime… pic.twitter.com/SbocdnJHXr— Gujarat First (@GujaratFirst) November 23, 2025
બપોર પછી ઝરીનાનો ભાઈ તેને શોધતો ડેરીની ઓરડીએ પહોંચ્યો અને બહેનનું લોહીલુહાણ મૃતદેહ જોઈ ચીસાચીસ કરી ઉઠ્યો હતો. આ ઘટનાની માહિતી સામે આવતા જ ગામમાં ખળભળાટ મચી ગયો છે. માધાપર પોલીસ સ્ટેશનના પીએસઆઈ એસ.એસ. જાડેજા તથા સ્ટાફ તાત્કાલિક ઘટનાસ્થળે પહોંચી ગયા છે. એફએસએલ ટીમ અને ડોગ સ્ક્વોડને પણ બોલાવવામાં આવ્યું છે.
માધાપર પોલીસે ઝડપી તપાસ હાથ ધરી અને માત્ર થોડી કલાકોમાં જ આરોપી હરેશ કાનજીભાઈ ગાગલને ઝડપી લીધો હતો. તેની પૂછપરછ ચાલુ છે. હત્યામાં વપરાયેલો પથ્થર કબ્જે કરાયો છે અને મૃતદેહને પોસ્ટમોર્ટમ માટે ભુજ જનરલ હોસ્પિટલ મોકલાયો છે. આ ઘટનાએ ફરી એક વખત સમાજમાં એકતરફી પ્રેમ અને “ના” સ્વીકારવાની માનસિકતાના અભાવનું ભયાનક સ્વરૂપ બતાવ્યું છે. ગામમાં શોકનું વાતાવરણ છવાયું છે.
આ પણ વાંચો- Jamnagar માં દીકરીની ચિંતામાં CM Bhupendrabhai Patel થયા ભાવુક , સંવેદનશીલ શાસનનો ઉત્તમ દાખલો