સમાજના મેણાં અને ઐતિહાસિક સંકલ્પ

લગ્નના અનેક વર્ષો વીત્યા છતાં આ દંપતીના આંગણે બાળકનું હાસ્ય ન ગુંજ્યું. મળતી માહિતી અનુસાર, સમાજના લોકોએ તેમને વાંઝિયા કહીને સતત ટોણા માર્યા. આ કડવા શબ્દોથી ત્રસ્ત થઈને એક દિવસ નાનકી દેવીએ સંકલ્પ લીધો કે, "જો આપણા નસીબમાં બાળકો નથી, તો ચાલો કંઈક એવું કરીએ જેથી દુનિયા આપણને હંમેશા યાદ રાખે." બસ, આ એક વિચારે તેમની સફરની શરૂઆત કરી અને તેમણે વૃક્ષોને (Trees) જ પોતાનો પરિવાર માની લીધો.

કઠિન સંઘર્ષ: પાણી વિના પણ ન તૂટી હિંમત

વર્ષ 1990માં દીનાનાથે રસ્તાની બાજુની 105 એકર સૂકી અને ખડકાળ ઉજ્જડ જમીન (Barren Land) પર કેરીના બીજ વાવવાનું શરૂ કર્યું. આ સફર જરાય સરળ નહોતી. સિંચાઈ માટે તેમણે જાતે મહેનત કરીને કૂવો ખોદ્યો, પરંતુ કેટલાક લોકોએ અતિક્રમણનું બહાનું કાઢીને તેને માટીથી પૂરી દીધો. સરકારી તંત્રની કોઈ મદદ ન મળી અને પાણીના અભાવે અનેક છોડ મરી ગયા, છતાં આ દંપતીની હિંમત ન તૂટી.

35 વર્ષની તપસ્યા: 10,000 વૃક્ષો અને વન્યજીવોનો આશરો

છેલ્લા 35 વર્ષની તેમની અથાક મહેનતનું પરિણામ એ છે કે આજે તે વેરાન જમીન "પ્રેમ વન" (Forest of Love) તરીકે ઓળખાતા ગાઢ જંગલમાં (Dense Forest) ફેરવાઈ ગઈ છે. આજે અહીં કેરી, આમળા અને જામફળના 10,000થી વધુ ફળદાયી અને ઔષધીય વૃક્ષો લહેરાય છે. આ લીલુંછમ જંગલ હવે મોર, હરણ અને નીલગાય જેવા વન્યજીવો (Wildlife) માટે સુરક્ષિત ઘર બની ગયું છે. પર્યાવરણ (Environment) માટે ઉત્તમ ઉદાહરણ પૂરું પાડતા દીનાનાથ આજે ગર્વથી કહે છે કે, "અમારે કોઈ સંતાન નથી, તેથી આ 10,000 વૃક્ષો જ અમારા દત્તક લીધેલા બાળકો છે."

આ પણ વાંચો : PM Kisan Yojana: ગુજરાતમાં રૂ.23,083 કરોડથી વધુની સહાય સીધી ધરતીપુત્રોના ખાતામાં જમા