Madras High Court : ભારત માતાનું અપમાન ક્યારેય બર્દાશ્ત નહી કરાય

• મદ્રાસ હાઈકોર્ટે તમિલનાડુ પોલીસને ફટકાર લગાવી
• ભારતમાતાનું અપમાન બર્દાશ્ત નહી કરાય
• હાઈકોર્ટે તમિલનાડુ પોલીસને સખત ઠપકો આપ્યો
• રાજ્ય સરકારને આ મૂર્તિ ભાજપને પરત કરવાનો આદેશ આપ્યો

Madras High Court : મદ્રાસ હાઈકોર્ટે ( Madras High Court) તમિલનાડુ પોલીસને ફટકાર લગાવી છે. આ મામલો ભારતીય જનતા પાર્ટી (BJP) કાર્યાલયમાંથી 'ભારત માતા'નું પ્રતિનિધિત્વ કરતી પ્રતિમાને હટાવવા સાથે સંબંધિત છે. હાઈકોર્ટે તમિલનાડુ પોલીસને સખત ઠપકો આપ્યો અને રાજ્ય સરકારને આ મૂર્તિ ભાજપને પરત કરવાનો આદેશ આપ્યો. હાઈકોર્ટે કહ્યું કે ખાનગી જગ્યાએ મામલાઓને નિયંત્રિત કરવાનું રાજ્યનું કામ નથી. ભારત માતાની પ્રતિમા હટાવવી એ તેમનું અપમાન કરવા જેવું છે. આ કેસ ખાનગી મિલકત પર વાણી અને અભિવ્યક્તિની સ્વતંત્રતાના અધિકારની મર્યાદાને લગતો એક રસપ્રદ મુદ્દો ઉભો કરે છે. રાજ્ય સરકારે આદેશોનું પાલન કરવું જોઈએ અને પોલીસે તેમની મર્યાદામાં રહીને જનતાની સેવા કરવી જોઈએ અને જનતાનું રક્ષણ કરવું જોઈએ.

આ પણ વાંચો----Girlfriend ને કિસ કરવી કે ગળે લગાડવી તે ગુનો..? શું કહ્યું હાઇકોર્ટે..?

ભવિષ્યમાં આવું ન કરવાની સલાહ

મીડિયા રિપોર્ટ્સ અનુસાર, મદ્રાસ હાઈકોર્ટની મદુરાઈ બેંચના જસ્ટિસ આનંદ વેંકટેશે આ ચુકાદો સંભળાવ્યો. તેમણે કહ્યું કે મારા મનમાં કોઈ શંકા નથી કે ભારત માતાની પ્રતિમાને ખાનગી મિલકતમાંથી બળજબરીથી હટાવી દેવામાં આવી છે, કદાચ અન્ય કોઈ જગ્યાએથી દબાણને કારણે, પરંતુ આ કૃત્ય અત્યંત નિંદનીય છે અને ભવિષ્યમાં આવું ક્યારેય ન થવું જોઈએ. અમે કાયદા દ્વારા સંચાલિત કલ્યાણ રાજ્યમાં જીવીએ છીએ. તેથી, બંધારણીય અદાલત દ્વારા ભારતના બંધારણની કલમ 226 હેઠળ તેના અધિકારક્ષેત્રનો ઉપયોગ કરીને આવી મનસ્વીતાને ક્યારેય સહન કરી શકાતી નથી. આ કારણે ભારત માતાની અસ્મિતાને પણ ઠેસ પહોંચી છે, તેથી સરકાર અને પોલીસે સતર્ક રહેવું જોઈએ.

તમિલનાડુ સરકાર પર ભાજપનો આરોપ

મીડિયા રિપોર્ટ્સ અનુસાર, ભાજપ કાર્યાલય માટે 2016માં વિરુધુનગર જિલ્લામાં એક પ્રોપર્ટી ખરીદવામાં આવી હતી, જેની અંદર હાથમાં ધ્વજ ધરાવતી ભારત માતાની પ્રતિમા પણ સ્થાપિત કરવામાં આવી હતી. રાજ્યએ દલીલ કરી હતી કે તેઓએ વર્ષ 2022માં હાઈકોર્ટના આદેશની માર્ગદર્શિકાના આધારે અરજદાર (ભાજપ)ને નોટિસ જારી કરી હતી કે કોઈ પણ નેતાની નવી પ્રતિમા સ્થાપિત કરવી જોઈએ નહીં અને અશાંતિ પેદા કરવાની સંભાવના હોય તેવી પ્રતિમાઓ સ્થાપિત કરવી જોઈએ નહીં. સંભવતઃ, તેઓ અન્ય સ્થળોએ ખસેડવી જોઈએ. ભાજપ તરફથી કોઈ પ્રતિસાદ મળ્યો ન હોવાથી સમાજમાં શાંતિ અને સૌહાર્દ જળવાઈ રહે તે માટે પ્રતિમાને હટાવીને મહેસૂલ વિભાગની કચેરીમાં સલામત રાખવામાં આવી છે.

આ પણ વાંચો---Supreme Court: સદગુરુ ઈશા ફાઉન્ડેશનને સુપ્રીમ કોર્ટએ આપી મોટી રાહત