Hind First

Hind First (English)

› Top News › CM Mamata Banerjee એ કેન્દ્ર સરકાર પર કર્યા આકરા પ્રહાર , 'બંગાળના લોકો સાથે ઓરમાયું વર્તન'

CM Mamata Banerjee એ કેન્દ્ર સરકાર પર કર્યા આકરા પ્રહાર , 'બંગાળના લોકો સાથે ઓરમાયું વર્તન'

દિલ્હીની ઠંડીમાં બંગાળનું રાજકારણ ગરમાયું છે. મમતા બેનર્જીએ અચાનક ચૂંટણી પંચના દ્વાર ખખડાવતા અનેક અટકળો વહેતી થઈ છે. મતદાર યાદીમાં કથિત પક્ષપાત અને દિલ્હીમાં બંગાળીઓના અપમાનના મુદ્દે દીદીનો આક્રમક મિજાજ જોવા મળી રહ્યો છે. ૧૫ નેતાઓનું આ પ્રતિનિધિમંડળ એવા કયા પુરાવા રજૂ કરશે જેનાથી ચૂંટણી પંચે જવાબ આપવો પડશે? કેન્દ્ર અને રાજ્ય વચ્ચેના આ જંગમાં નવો વળાંક આવવાની પૂરી શક્યતા છે.

Mustak Malek

04:21 PM Feb 02, 2026 IST

cm mamata banerjee એ કેન્દ્ર સરકાર પર કર્યા આકરા પ્રહાર બંગાળના લોકો સાથે ઓરમાયું વર્તન

Mamata Banerjee : મુખ્ય ચૂંટણી કમિશનર સાથે મમતા બેનર્જીની આજે બેઠક
મતદાર યાદીમાં પક્ષપાતના ગંભીર આક્ષેપો સાથે રજૂઆત
TMC ના ૧૫ નેતાઓનું પ્રતિનિધિમંડળ દિલ્હી પહોંચ્યું
દિલ્હી પોલીસ અને કેન્દ્ર સરકાર પર મમતાના આકરા પ્રહાર

Mamata Banerjee: પશ્ચિમ બંગાળના મુખ્યમંત્રી (Chief Minister) મમતા બેનર્જી (Mamata Banerjee) સોમવારે દેશની રાજધાનીમાં એક્શન મોડમાં જોવા મળ્યા હતા. મમતા બેનર્જી આજે મુખ્ય ચૂંટણી કમિશનર (Chief Election Commissioner) જ્ઞાનેશ કુમાર (Gyanesh Kumar) ને મળીને બંગાળમાં મતદાર યાદીના સ્પેશિયલ ઇન્ટેન્સિવ રિવિઝન (Special Intensive Revision - SIR) પ્રક્રિયામાં થઈ રહેલી કથિત ગેરરીતિઓ અંગે ઉગ્ર રજૂઆત કરશે.

TMC ના ૧૫ નેતાઓનું પ્રતિનિધિમંડળ દિલ્હી

તૃણમૂલ કોંગ્રેસ (TMC) ના ૧૫ સભ્યોનું ઉચ્ચ સ્તરીય પ્રતિનિધિમંડળ, જેમાં અભિષેક બેનર્જી (Abhishek Banerjee) પણ સામેલ છે, તેઓ ચૂંટણી પંચ (Election Commission of India) સમક્ષ પુરાવા સાથે હાજર થશે. મમતા બેનર્જીએ આરોપ લગાવ્યો છે કે બંગાળમાં મતદાર યાદી સુધારણાની પ્રક્રિયા 'પક્ષપાતી અને રાજકીય રીતે પ્રેરિત' (Biased and Politically Motivated) છે.

#WATCH | Delhi | Arriving at the Banga Bhawan, West Bengal CM Mamata Banerjee says, "Look at what the Delhi Police is doing. We will not criticise them because it is not their fault... A bus full of Delhi Police has been brought here... We have a meeting at the Election… pic.twitter.com/0zn2C0hgHJ
— ANI (@ANI) February 2, 2026

બંગાળના લોકો સાથે ઓરમાયું વર્તન

દિલ્હીમાં પત્રકાર પરિષદ દરમિયાન મમતા બેનર્જીએ કેન્દ્ર સરકાર અને દિલ્હી પોલીસ (Delhi Police) પર આકરા પ્રહારો કર્યા હતા. તેમણે કહ્યું, "જ્યારે કેન્દ્રીય ગૃહમંત્રી (Home Minister) અમિત શાહ (Amit Shah) બંગાળ આવે છે, ત્યારે અમે તેમના માટે લાલ જાજમ પાથરીએ છીએ, પરંતુ જ્યારે અમે દિલ્હી આવીએ છીએ, ત્યારે અમારી સામે કાળી જાજમ પાથરવામાં આવે છે." તેમણે દિલ્હીમાં રહેતા બંગાળીઓ સાથેના કથિત ગેરવર્તણૂક મુદ્દે પણ નારાજગી વ્યક્ત કરી હતી.

શું છે સમગ્ર વિવાદ?

ચૂંટણી પંચ અત્યારે પશ્ચિમ બંગાળ સહિત ૧૨ રાજ્યોમાં મતદાર યાદી સુધારણા (Voter List Revision) ની પ્રક્રિયા હાથ ધરી રહ્યું છે, જેની અંતિમ યાદી ૭ ફેબ્રુઆરીએ જાહેર થવાની છે. મમતા બેનર્જીનો દાવો છે કે વિરોધ પક્ષના મતો કાપવા માટે આ પ્રક્રિયાનો દુરુપયોગ થઈ રહ્યો છે. તેમણે સ્પષ્ટ શબ્દોમાં ચેતવણી આપી છે કે, "જો આ દેશમાં કોઈ અન્યાય સામે નહીં લડે, તો હું અને મારી પાર્ટી એકલા હાથે લડત ચાલુ રાખીશું."

આ પણ વાંચો : લોકસભામાં ચીન મુદ્દે બબાલ, ડોકલામ પર સરકાર અને વિપક્ષ આમને-સામને

વધુ વાંચો

Tags :