Mehsana : વડનગરમાં SMCના દરોડા બાદ PSI સસ્પેન્ડ, બે કર્મચારીની હેડ ક્વાર્ટર કરાઈ બદલી

દેશી દારૂને લઈ પાડયા હતા દરોડા

વડનગર પંથકમાં સ્ટેટ મોનિટરિંગ સેલની ટીમે દેશી દારૂના અડ્ડાઓ પર રેડ કરવામાં આવી હતી અને એસએમસીએ આ રેડ કરી હતી. આ રેઇડ દરમિયાન સુલ્તાનપુરા, વલાસના તેમજ વડનગરના વિવિધ વિસ્તારોમાંથી મોટી માત્રામાં દેશી દારૂ, હજારો લીટર દારૂ બનાવવાનો કાચો વોશ, એક મારુતિ શિફ્ટ ગાડી, એક્ટિવા, ઇલેક્ટ્રિક મોટરો, સડેલો ગોળ અને ભઠ્ઠીના સાધનો મળી ₹ 7,10,000 કિંમતનો મુદ્દામાલ જપ્ત કરવામાં આવ્યો હતો.

3 જગ્યાએ પાડવામાં આવ્યા હતા દરોડા

આ કાર્યવાહી દરમિયાન સામેલ ભલાજી ઠાકોર, અમરતજી ઠાકોર, ભરતજી ઠાકોર અને પ્રહલાદજી ઠાકોર સહિતના મુખ્ય આરોપીઓ તેમજ વિસનગરના શિવ શક્તિ ટ્રેડર્સના માલિક સહિત 22 ઈસમો સામે વડનગર પોલીસ મથકે ચાર અલગ-અલગ ફરિયાદો નોંધાવવામાં આવી છે. જેમાંથી કેટલાક આરોપીઓની ધરપકડ કરી લેવાઈ છે જ્યારે ફરાર થઈ ગયેલા અન્ય સાગરીતોને ઝડપી પાડવા સ્થાનિક પોલીસે ચક્રો ગતિમાન કર્યા છે.

આ પણ વાંચો : Rajkot : સૌરાષ્ટ્ર યુનિવર્સિટીમાં કોપી કેસમાં 59 વિધાર્થીઓ દોષિત, રૂ.2500 થી રૂ.10 હજારનો ફટકારાયો દંડ