Mehsana : કરોડોની જમીન કૌભાંડનો ભાંડો ફૂટ્યો, NRI સહિત 14 સામે ગુનો નોંધાયો

ખેતીની જમીનમાં ખોટા દસ્તાવેજો બનાવાયા!

બાવલુ પોલીસ સ્ટેશનમાં સબ રજીસ્ટ્રાર દ્વારા નોંધાવવામાં આવ્યો ગુનો અને કૌભાંડની વાત કરીએ તો ખેતીની જમીન બતાવી પ્રાથમિક શાળા અને મંદિરવાળી જગ્યાનો દસ્તાવેજ કરી નાખ્યો છે. જેમાં દસ્તાવેજોમાં મિલકતના ખોટા ફોટોગ્રાફ્સ દર્શાવી સરકારી તંત્રને મૂર્ખ બનાવ્યું હતું. તરસનીયા પ્રાથમિક શાળા અને નીલકંઠ મહાદેવ મંદિર આવેલું છે તે જમીન વેચી મારી હોવાની વાત છે. અને રૂપિયા 54.66 લાખ અને 11.04 લાખના બે ખોટા વેચાણ દસ્તાવેજો બનાવી દીધા છે.

Mehsana : વર્ષ 2025થી કૌભાંડની શરૂઆત થઈ

પોલીસના ચોપડે નોંધાયેલ ફરિયાદના આધારે વાત કરીએ તો 10-12-2025 થી 04-06-2026 દરમિયાન આચરવામાં આવ્યું આખું કૌભાંડ. તરસનીયા પ્રાથમિક શાળાના આચાર્યની વાંધા અરજી બાદ સમગ્ર ભાંડો ફૂટ્યો છે જેમાં અમદાવાદ, મુંબઈ અને કેનેડા-યુએસએ રહેતા 14 આરોપીઓ સામે ગુનો નોંધવામાં આવ્યો છે. નોંધણી અધિનિયમની કલમ 82 અને બી.એન.એસ. ની વિવિધ કલમો હેઠળ તપાસ શરૂ કરવામાં આવી છે. બાવલુ પોલીસ સ્ટેશનના પી.આઈ. દિલીપકુમાર બડવાએ હાથધરી આગળની તપાસ.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર