Mehsana : શહેરમાં જર્જરિત મકાનોને 7 દિવસમાં ખાલી કરવા મહાનગરપાલિકા દ્વારા અપાઈ નોટિસ, ચોમાસું નજીક આવતા લેવાયો નિર્ણય

જર્જરિત મકાનને લઈ નોટિસ અપાઈ

ચોમાસા દરમિયાન કોઈ અનિચ્છનીય દુર્ઘટના ન ઘટે તે માટે મહાનગરપાલિકાની દ્વારા મહત્વનો નિર્ણય લેવાયો છે, જેમાં જર્જરિત મકાન માલિકોને સાત દિવસની નોટિસ ફટકારવામાં આવી છે. જર્જરિત મકાનોના પાણી કનેક્શન કાપવા અને ડિમોલિશનની ચીમકી અપાઈ છે અને ચોમાસામાં દુર્ઘટના રોકવા માટે તંત્ર દ્વારા લેવાયો નિર્ણય છે. મહેસાણા શહેરમાં દર વર્ષની જેમ આ વર્ષે પણ ચોમાસા પૂર્વેની તૈયારીઓ તેજ કરી દેવામાં આવી છે.

મકાન ખાલી નહી કરો તો પાણીનું કનેકશન કપાશે

મહેસાણા મહાનગરપાલિકાની સ્ટેન્ડિંગ કમિટીના ચેરમેન દીપક પટેલે જણાવ્યું છે કે, પ્રિ-મોન્સૂન પ્લાન મુજબ શહેરમાં આવેલા તમામ જર્જરિત અને ભયજનક મકાનોને 7 દિવસની મુદ્દત આપતી નોટિસ ઇશ્યું કરવામાં આવી છે.

જો આ સાત દિવસ દરમિયાન સંબંધિત મકાન માલિકો દ્વારા કોઈ યોગ્ય નિર્ણય લેવામાં નહીં આવે, તો મહાનગરપાલિકા દ્વારા કડક પગલાં ભરવામાં આવશે. જેમાં આવા મકાનોના પાણીના કનેક્શન કાપી નાખવા, મકાન ખાલી કરાવવા અથવા તો મહાનગરપાલિકા તંત્ર દ્વારા જાતે જ ડિમોલિશન કરીને જર્જરિત બાંધકામ તોડી પાડવાની દિશામાં આગળ વધવામાં આવશે.

આ પણ વાંચો : Headline 03 PM : વાંચો બપોરના 12 થી બપોરના 3 વાગ્યા સુધીના મહત્વના સમાચાર એક કિલક પર