ભુજ નગરપાલિકાના પ્રમુખ શીતલ શાહ પણ કાર્યક્રમમાં જોડાયા અને સ્વચ્છતા જાળવવા માટે નાગરિકોને શપથ લેવડાવવામાં આવ્યા. શહેરને સ્વચ્છ અને સુંદર બનાવવા સૌને સહભાગી બનવા અપીલ કરાઈ અને અભિયાનમાં મોટી સંખ્યામાં કાર્યકરો, અધિકારીઓ અને સ્થાનિક નાગરિકોએ ઉત્સાહભેર ભાગ લીધો.
વિશેષ સાયકલ યાત્રાનું આયોજન કરાયું
વડાપ્રધાન નરેન્દ્રભાઈ મોદીના નેતૃત્વ હેઠળના 12 વર્ષ પૂર્ણ થવાના અવસરે કાર્યક્રમ યોજાયો હતા અને ભુજના હમીરસર તળાવ માર્ગ પર સાયકલ યાત્રા યોજાઈ. મોટી સંખ્યામાં કાર્યકરો અને નાગરિકોએ યાત્રામાં ભાગ લીધો અને મંત્રી કાંતિલાલ અમૃતિયાની ઉપસ્થિતિમાં કાર્યક્રમ યોજાયો.
પૂર્વ કચ્છ પોલીસ વિભાગ દ્વારા ‘સન્ડે ઓન સાયકલ’ રેલીનું આયોજન કરાયું
ગાંધીધામ પોલીસ અધિક્ષક કચેરીથી પોલીસ હેડ ક્વાર્ટર સુધી સાયકલ યાત્રા યોજાઈ હતી અને સ્વાસ્થ્ય જાગૃતિ અને ફિટનેસના સંદેશ સાથે રેલીનું આયોજન કરવામાં આવ્યું. પૂર્વ કચ્છ પોલીસ વડા સાગર બાગમારના માર્ગદર્શન હેઠળ કાર્યક્રમ યોજાયો. શહેરના મુખ્ય માર્ગો પર અંદાજે 8થી 9 કિલોમીટરની સાયકલ યાત્રા નીકળી.
અને નાયબ પોલીસ અધિક્ષક ડી.આર. ભાટીયા, મુકેશ ચૌધરી અને સાગર સાંબડા સહિત અધિકારીઓ જોડાયા. એલસીબી, એસઓજી, સાયબર ક્રાઈમ, જિલ્લા ટ્રાફિક અને સિટી ટ્રાફિકની ટીમોએ ભાગ લીધો. પોલીસ કર્મચારીઓ ઉપરાંત સામાજિક સંસ્થાઓ, નાગરિકો અને બાળકો પણ રેલીમાં જોડાયા અને સ્વસ્થ જીવનશૈલી અપનાવવા અને નિયમિત વ્યાયામ માટે લોકોને પ્રેરિત કરાયા. ‘સન્ડે ઓન સાયકલ’ સૂત્ર સાથે પૂર્વ કચ્છ પોલીસનો ફિટનેસ અને જનજાગૃતિનો અનોખો પ્રયાસ સફળ રહ્યો.
આ પણ વાંચો : Rajkot બાળ સંરક્ષણ ગૃહમાંથી 11 જેટલા બાળકો ગુમ, પોલીસ બેડામાં મચી દોડધામ
