Morari Bapu એ રાજસ્થાન હાઈવે પર બસ અકસ્માતમાં દિવંગત થયેલા આત્માઓની શાંતિ માટે અર્પણ કરી સહાય

જે રામકથાના શ્રોતા દ્વારા મધ્યપ્રદેશ સીએમ રિલિફ ફંડમાં જમા કરાવવામાં આવશે. પૂજ્ય બાપુએ તમામ દિવંગત થયેલા લોકોનાં નિર્વાણ માટે હનુમાનજીનાં ચરણોમાં પ્રાર્થના કરી છે અને તેમનાં પરિવારજનોને દિલસોજી પાઠવી છે.

પૂજ્ય મોરારિબાપુનું હૈયું દ્રવી ઉઠ્યું હતું

તેમણે આ ઘટના પર ઊંડી સંવેદના વ્યક્ત કરી છે. દિવંગત આત્માઓની શાંતિ માટે તેમણે હનુમાનજીના ચરણોમાં વિશેષ પ્રાર્થના કરી છે અને શોકગ્રસ્ત પરિવારજનો પ્રત્યે દિલસોજી પાઠવી છે. માનવતાના નાતે, પૂજ્ય બાપુએ મૃતકોના પરિવારજનોને મદદરૂપ થવાના હેતુથી મૃતક દીઠ રૂપિયા 15,000 લેખે કુલ 1,20,000 રૂપિયાની આર્થિક સહાય અર્પણ કરી છે.

આ સહાય રાશિ રામકથાના શ્રોતા દ્વારા મધ્યપ્રદેશ મુખ્યમંત્રી રાહત ફંડમાં જમા કરવામાં આવશે.

મોરારિબાપુ દ્વારા મૃતકોના પરિવારોને સહાય

આ અકસ્માતે ફરી એકવાર માર્ગ સુરક્ષા અને રાત્રિના મુસાફરીના જોખમોને લઈને ચિંતા જગાવી છે. મોરારિબાપુનું આ પગલું માત્ર આર્થિક મદદ જ નહીં, પરંતુ એક સંતની વેદના અને સમાજ પ્રત્યેના તેમના ઉત્તરદાયિત્વને પણ દર્શાવે છે.

જ્યારે આવી કોઈ કુદરતી કે માનવસર્જિત આફત આવે છે, ત્યારે બાપુ હંમેશા સહાયનો હાથ લંબાવવામાં અગ્રેસર રહ્યા છે. તેમના આ સંવેદનશીલ અભિગમથી દુઃખની ઘડીમાં પરિવારોને એક સાંત્વના મળી રહી છે.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર