Morbi: ટંકારામાં કોંગ્રેસની આગેવાની હેઠળ ખેડૂતોની ટ્રેક્ટર મહારેલી

Morbi Farmers Tractor Rally: વીજલાઈનથી ખેડૂતોને મુશ્કેલી

ખેડૂતોનો મુખ્ય આક્ષેપ છે કે ખેતરોમાંથી પસાર થતી મોટી વીજલાઇનોને કારણે ખેતીલાયક જમીન પર અનેક નિયંત્રણો આવી જાય છે. જે ખેતરમાંથી વીજલાઇન પસાર થાય છે, તે જમીનને બિનખેતી (Non-Agricultural - NA) કરાવી શકાતી નથી. આ ઉપરાંત, સલામતીના કારણોસર ખેડૂતો તે લાઇન આસપાસ પોતાની જરૂરિયાત મુજબના મકાન (House) કે ગોડાઉન (Warehouse) પણ બનાવી શકતા નથી. આનાથી ખેડૂતોની સ્વતંત્રતા અને જમીનનો મહત્તમ ઉપયોગ કરવાની ક્ષમતા છીનવાઈ રહી છે.

Morbi Farmers Protest: મોરબીમાં ખેડૂતો કરશે વિરોધ પ્રદર્શન

વીજપોલ કંપનીઓની વિરૂદ્ધ કરશે રેલી
મહાકાય વીજપોલથી ઉભા પાકને નુકસાન
યોગ્ય વળતરની માગ સાથે કરશે રેલી
જિલ્લા કલેક્ટરને ખેડૂતો આપશે આવેદન#Morbi #FarmersProtest #FarmersRally #AgricultureNews #FarmerIssues #CropDamage… pic.twitter.com/WJ26FkwYfQ

— Gujarat First (@GujaratFirst) February 2, 2026

Morbi Farmers Tractor Rally: જમીનના ભાવ ઘટ્યા

ગુજરાતમાં વધતા જતા ઔદ્યોગિકીકરણ અને ઊર્જા ક્ષેત્રના વ્યાપ વચ્ચે અનેક ખાનગી કંપનીઓ (Private Companies) ખેતરોમાં પોતાના ટાવર ઊભા કરી રહી છે. ખેડૂતોના મતે, આ કંપનીઓની દાદાગીરી અને લાઈનોના જાળાને લીધે જમીનના બજાર ભાવમાં મોટો ઘટાડો જોવા મળ્યો છે. કોઈ પણ ખરીદનાર એવી જમીન લેવા તૈયાર નથી હોતું જ્યાંથી વીજલાઇન પસાર થતી હોય. આ આર્થિક ફટકા સામે ખેડૂતોમાં ભારે રોષ જોવા મળી રહ્યો છે.

આ પણ વાંચોઃ Morbi: પિતા સાથેના ઝઘડાનું વેર 2 વર્ષના માસુમ પર વાળ્યું! આરોપીની ધરપકડ

નવી SOP મુજબ 4 ગણું વળતર મેળવવા ખેડૂતોની માંગ

આ રેલીનો સૌથી મહત્વનો મુદ્દો વળતરનો છે. ખેડૂતોની પ્રબળ માંગ છે કે કેન્દ્ર સરકાર દ્વારા જાહેર કરાયેલી 2025 SOP (Standard Operating Procedure) મુજબ તેમને જમીનનું 4 ગણું વળતર આપવામાં આવે. હાલમાં મળતું વળતર નજીવું હોવાથી ખેડૂતો પોતાને છેતરાયા અનુભવી રહ્યા છે. ગુજરાત (Gujarat) સરકાર સમક્ષ આ અન્યાય દૂર કરવા માટે ખેડૂત આગેવાનો મક્કમ દેખાય છે.

મંજૂરીના વિવાદથી ઘર્ષણની આશંકા

સ્થાનિક તંત્ર દ્વારા આ સભા અને રેલી માટે હજુ સુધી મંજૂરી ન મળી હોવાના અહેવાલો છે. મંજૂરીના અભાવ છતાં ખેડૂતો રેલી કાઢવા પર મક્કમ છે, જેના કારણે પોલીસ (Police) અને ખેડૂતો વચ્ચે મોટા હોબાળા કે ઘર્ષણની શક્યતા સેવાઈ રહી છે.

આ પણ વાંચોઃ Kheda: "સોરી મમ્મી..." લખી જય પાટીલે જીવન ટૂંકાવ્યું, નડિયાદની દિનશા પટેલ નર્સિંગ કોલેજના વિદ્યાર્થીનો આપઘાત!