Nadiad માં એક મહિલા પ્રોફેસરની ધરપકડ બાદ આંદોલન સમેટાયું! 4 હજુ ફરાર
- Nadiad Jay Patil Suicide Case માં મોટી કાર્યવાહી
- કોલેજ પ્રોફેસર પ્રકૃતિ પટેલની અંતે ધરપકડ
- દિનશા પટેલ નર્સિંગ કોલેજના વિદ્યાર્થીએ કર્યો હતો આપઘાત
Nadiad Jay Patil Suicide Case: ખેડા જિલ્લાના નડિયાદ (Nadiad) શહેરમાં બહુચર્ચિત જય પાટીલ (Jay Patil) આત્મહત્યા કેસમાં આખરે પોલીસે એક મહિલા પ્રોફેસરની ધરપકડ કરી છે. છેલ્લા 14 દિવસથી ફરાર રહેલા દિનશા પટેલ કોલેજ ઓફ નર્સિંગ (Dinsha Patel College of Nursing) ના પ્રોફેસર પ્રકૃતિ પટેલ (Prakruti Patel) ની પોલીસે ધરપકડ કરી છે. આ મામલે છેલ્લા ઘણા સમયથી ન્યાયની માંગ સાથે દલિત સમાજ (Dalit Community) મેદાને આવ્યો હતો. આરોપી મહિલા પ્રોફેસર પોલીસની ધરપકડથી બચવા માટે સતત નાસતી ફરતી હતી, પરંતુ ટેકનિકલ સર્વેલન્સ અને પોલીસની વિવિધ ટીમોના દબાણને કારણે અંતે તે ઝડપાઈ ગઈ છે. ઉલ્લેખનીય છે નડિયાદ રુરલ પોલીસ સ્ટેશનમાં આચાર્ય સહિત કુલ 5 લોકો સામે ફરિયાદ નોંધાઈ છે. હજુ પણ 4 આરોપીઓ ફરાર છે.
Nadiad Jay Patil Suicide Case: દલિત સમાજનું આંદોલન
વિદ્યાર્થી જય પાટીલના આપઘાત બાદ પરિવારે અને દલિત આગેવાનોએ આક્ષેપ કર્યો હતો કે તેને આત્મહત્યા કરવા માટે મજબૂર કરવામાં આવ્યો હતો. આરોપીઓની તાત્કાલિક ધરપકડની માંગ સાથે છેલ્લા ત્રણ દિવસથી દલિત સમાજે ઉગ્ર આંદોલન (Agitation) છેડ્યું હતું. આ આંદોલનને કારણે સ્થાનિક વહીવટી તંત્ર અને પોલીસ વિભાગ પર ભારે દબાણ સર્જાયું હતું. દલિત સમાજના આગેવાનો (Dalit Leaders) ન્યાય ન મળે ત્યાં સુધી પીછેહઠ કરવા તૈયાર નહોતા.
Nadiad જય પાટીલ આત્મહત્યા કેસમાં મોટી કાર્યવાહી! | Gujarat First
નડિયાદ જય પાટીલ આત્મહત્યા કેસમાં મોટી કાર્યવાહી
ખેડા જય પાટીલ આત્મહત્યા કેસમાં મુખ્ય આરોપીની ધરપકડ
કોલેજ પ્રોફેસર પ્રકૃતિ પટેલની અંતે ધરપકડ
છેલ્લા 13 દિવસથી ભાગતા ફરતા હતા આરોપીઓ
દિનશા પટેલ નર્સિંગ કોલેજના… pic.twitter.com/ALT2YD0PXL— Gujarat First (@GujaratFirst) February 16, 2026
Nadiad Jay Patil Suicide Case: આંદોલન બાદ પોલીસ કાર્યવાહી તેજ!
15 ફેબ્રુઆરીએ DYSP એસસી-એસટી સેલ (SC/ST Cell) દ્વારા આરોપી મહિલા પ્રોફેસરની ધરપકડ કરવામાં આવતા મામલો થાળે પડ્યો છે. પોલીસ તંત્રએ આપેલી ખાતરી અને એક મુખ્ય આરોપીની ધરપકડ થતા દલિત સમાજના આગેવાનોએ પોલીસ પર ભરોસો મૂકીને પોતાનું આંદોલન હાલ પૂરતું સ્થગિત (Postponed) રાખવાની જાહેરાત કરી છે. જોકે, અન્ય આરોપીઓ સામે પણ કડક કાર્યવાહીની માંગ યથાવત છે. ઉલ્લેખનીય છે કે, ધરપકડ બાદ આરોપી મહિલા પ્રોફેસરને મીડિયા (Media) થી દૂર રાખવામાં આવ્યા હતા, જેની પણ નગરમાં ચર્ચા જાગી છે.
ન્યાયની આશા અને આગળની તપાસ
જય પાટીલના પરિવારજનોમાં ન્યાયની આશા જાગી છે. આ આત્મહત્યા કેસમાં અન્ય કયા કયા પરિબળો જવાબદાર હતા અને અન્ય કોઈની સંડોવણી છે કે કેમ તે અંગે એસસી-એસટી સેલ તપાસ ચલાવી રહ્યો છે. કોલેજ પ્રશાસન અને અન્ય સાથી પ્રોફેસરોની ભૂમિકા અંગે પણ પૂછપરછ થવાની શક્યતા છે. હાલ નડિયાદમાં પોલીસ બંદોબસ્ત વચ્ચે શાંતિનો માહોલ છે પરંતુ લોકોની નજર હવે કાયદાકીય કાર્યવાહી (Legal Proceedings) પર ટકેલી છે.
પોલીસ ધરપકડ કરાયેલ મહિલા પ્રોફેસરને નડિયાદ કોર્ટ (Nadiad Court) માં રજૂ કરી શકે છે. પોલીસ આ કેસના અન્ય ફરાર આરોપીઓના ઠેકાણા જાણવા અને આત્મહત્યા પાછળના ઊંડા કારણોની તપાસ માટે આરોપીના રિમાન્ડ (Remand) ની માંગણી કરી શકે છે.
કોના કોના સામે ફરિયાદ?
પીડિત પરિવારની રજૂઆત અને સ્યુસાઈડ નોટના આધારે નડિયાદ રુરલ પોલીસે 5 લોકો સામે ફરિયાદ નોંધી હતી. જેમાં કોલેજના પ્રિન્સિપાલ ડો. વિરેન્દ્ર જૈન(Virendra Jain) , ધારા મેડમ (Dhara Madam), શહેરીન મેડમ (Shaherin Madam), સ્મિત (Smit), પ્રકૃતિ મેડમ (Prakruti Madam) નો સમાવેશ થાય છે.
આ પણ વાંચોઃ Kheda: વિદ્યાર્થીના આપઘાત મામલે દિનશા પટેલ નર્સિંગ કોલેજના આચાર્ય સહિત 5 સામે ફરિયાદ