PM Modi : NEET પેપર લીક માટે જવાબદારોને કડક સજા થવી જોઈએ, વિદ્યાર્થીઓનું ભવિષ્ય બરબાદ નહીં થાય: પીએમ મોદી

વિદ્યાર્થીઓનું ભવિષ્ય અમારી પ્રાથમિકતા: PM મોદી

કેન્દ્રીય મંત્રી કિરેન રિજિજુએ જણાવ્યું કે એનડીએ સંસદીય દળની બેઠકમાં NEET પેપર લીક બાબતે ગંભીર મંથન થયું હતું. પીએમ મોદીએ ભારપૂર્વક કહ્યું કે સરકાર વિદ્યાર્થીઓ પ્રત્યે અત્યંત સંવેદનશીલ છે. આ મામલે અત્યાર સુધીમાં 13 આરોપીઓની ધરપકડ કરવામાં આવી છે અને વિદ્યાર્થીઓનું શૈક્ષણિક વર્ષ બગડે નહીં તે માટે સમયસર પુનઃપરીક્ષા પણ યોજવામાં આવી છે. ભવિષ્યમાં આવા બનાવો ન બને તે માટે ફૂલપ્રૂફ સિસ્ટમ બનાવવાની વાત કરવામાં આવી છે. આ રાષ્ટ્રીય મુદ્દા પર કોઈ પ્રકારનું પક્ષપાતી રાજકારણ ન થવું જોઈએ તેવી ટકોર પણ કરવામાં આવી છે.

NEET Paper Leak મુદ્દે PM Modi નું મોટું નિવેદન | Gujarat First

પેપરલીક મુદ્દે સરકારે કડક કાર્યવાહી કરી: PM મોદી
પેપરલીક એક રાજ્ય નહીં પણ સમગ્ર દેશનો મુદ્દો: PM મોદી
જવાબદાર લોકો સામે કડક કાર્યવાહી કરી: PM મોદી
પેપરલીક મુદ્દે રાજકારણ થવું જ ન જોઇએ: PM મોદી
NDAની બેઠકમાં PM… pic.twitter.com/eme4ghgNVk

— Gujarat First (@GujaratFirst) July 21, 2026

દિલ્હીમાં વિરોધ પ્રદર્શન અને હિંસક અથડામણ

એક તરફ સંસદમાં આ મુદ્દો ગરમાયો છે, તો બીજી તરફ છેલ્લા કેટલાક દિવસોથી દિલ્હીના જંતર મંતર પર વિદ્યાર્થીઓ દ્વારા ઉગ્ર વિરોધ પ્રદર્શન કરવામાં આવી રહ્યા છે. કોકરોચ જનતા પાર્ટીના નેતૃત્વ હેઠળ નીકળેલા મોરચાને રોકવા માટે સોમવારે પોલીસ અને દેખાવકારો વચ્ચે હિંસક અથડામણ સર્જાઈ હતી, જેમાં કેટલાક વિદ્યાર્થીઓ અને પોલીસકર્મીઓ ઘાયલ થયા હતા.

આ પણ વાંચો : Sikkim Tunnel Accident : સિક્કિમ ટનલમાં મોટો અકસ્માત, ભૂસ્ખલનને કારણે અત્યાર સુધીમાં 7 કામદારોના મોત