Operation Hawkeye Strike : અમેરિકાનો સીરિયા પર મોટો હુમલો, ISISના અનેક અડ્ડાઓ પર કરી એરસ્ટ્રાઈક
- Operation Hawkeye Strike : અમેરિકાનો સીરિયા પર મોટો હુમલો
- ISISના અનેક અડ્ડાઓ પર કરી એરસ્ટ્રાઈક
- અમેરિકાના 1800 સૈનિક મિડલ ઈસ્ટમાં તૈનાત
Operation Hawkeye Strike : અમેરિકાએ સીરિયા પર મોટો હુમલો કર્યો છે. યુએસ સેન્ટ્રલ કમાન્ડ દળોએ અને સાથી દળો સાથે મળીને ઓપરેશન હોકઆઈ સ્ટ્રાઈકના ભાગ રુપે સમગ્ર સીરિયામાં ISISના અનેક લક્ષ્યો પર મોટા પાયે હુમલો કર્યો છે. સેન્ટકોમે X પર એક પોસ્ટમાં જણાવ્યું હતું કે આ હુમલાઓ યુએસ સમય મુજબ બપોરે 12:30 વાગ્યે થયા હતા. આ હુમલાઓ ઓપરેશન હોકઆઈ સ્ટ્રાઈકનો ભાગ છે.
સેન્ટકોમ પર જણાવ્યું હતું કે આ હુમલાઓ આપણા સૈનિકો સામે ઇસ્લામિક આતંકવાદને જડમૂળથી ઉખેડી નાખવા, ભવિષ્યના હુમલાઓને રોકવા અને પ્રદેશમાં યુએસ અને સાથી દળોનું રક્ષણ કરવાની તેની સતત પ્રતિબદ્ધતાના ભાગ રૂપે સમગ્ર સીરિયામાં ISISને નિશાન બનાવ્યું હતું.
ટ્રમ્પના નિર્દેશ પર ઓપરેશન હોકઆઈ સ્ટ્રાઈકની કરી શરુઆત
US અને ગઠબંધન દળો એવા આતંકવાદીઓનો નાશ કરશે. તેમના જણાવ્યા અનુસાર જે યુનાઇટેડ સ્ટેટ્સને નુકસાન પહોંચાડવા માંગે છે. તેના સાથે બદલો લેવામાં આવશે. સેન્ટકોમે તેની પોસ્ટમાં જણાવ્યું હતું કે 13 ડિસેમ્બર, 2025ના રોજ સીરિયાના પાલમિરામાં યુએસ અને સીરિયન દળો પર ISIS દ્વારા કરવામાં આવેલા હુમલાના સીધા જવાબમાં, યુએસ પ્રમુખ ડોનાલ્ડ ટ્રમ્પના નિર્દેશ પર 19 ડિસેમ્બર, 2025ના રોજ ઓપરેશન હોકઆઈ સ્ટ્રાઈક શરૂ કરવામાં આવ્યું હતું અને તેની જાહેરાત કરવામાં આવી હતી. સેન્ટકોમના જણાવ્યા અનુસાર, આ હુમલો એક ISIS આતંકવાદી દ્વારા કરવામાં આવ્યો હતો અને તેમાં બે યુએસ સૈનિકો અને એક અમેરિકન નાગરિકના મોત થયા હતા.
આ સાથે જ પોસ્ટમાં લખવામાં આવ્યું હતું કે, "અમારો સંદેશ સ્પષ્ટ છે. જો તમે અમારા સૈનિકોને નુકસાન પહોંચાડશો, તો દુનિયાના ખૂણામાંથી પણ શોધીને મારી નાખશું. ભલે તમે ન્યાયથી બચવાનો ગમે તેટલો પ્રયાસ કરો."
Operation Hawkeye Strike : 1800 સૈનિક મિડલ ઈસ્ટમાં તૈનાત
બંને આયોવા નેશનલ ગાર્ડના સભ્યો હતા, જેણે આ વર્ષની શરૂઆતમાં ISIS ને હરાવવાના યુએસ મિશન, ઓપરેશન ઇનહેરન્ટ રિઝોલ્વના ભાગ રૂપે મધ્ય પૂર્વમાં આશરે 1,800 સૈનિકો તૈનાત કરવાનું શરૂ કર્યું હતું. મીડિયા રિપોર્ટસ અનુસાર એક યુએસ અધિકારીએ જણાવ્યું હતું કે શનિવારના ઓપરેશનમાં 90 થી વધુ ફાયરિંગ, 35 થી વધુ લક્ષ્યોને નિશાન બનાવવા અને બે ડઝનથી વધુ વિમાનોનો ઉપયોગ કરવામાં આવ્યો હતો.
આ પણ વાંચો : ટ્રમ્પનો મુનીર પ્રેમ: પેશાવરમાં પાકિસ્તાની સેના સાથે અમેરિકન આર્મીનો યુદ્ધાભ્યાસ!