Pakistan : પાકિસ્તાનના કારણે હવે આ દેશ થયો પરેશાન, જેલ ભિખારીઓથી ખચોખચ ભરાઈ...

પાડોશી દેશ પાકિસ્તાન ફરી એકવાર સમાચારોમાં છે. પરંતુ આ વખતે આ દેશ તેના ભિખારીઓને કારણે સમાચારમાં છે. અહેવાલ છે કે વિદેશમાં ધરપકડ કરાયેલા 90 ટકા ભિખારીઓ પાકિસ્તાનના છે. પાકિસ્તાનના ભિખારીઓ મોટી સંખ્યામાં ઈરાન અને સાઉદી અરેબિયાની જેલોમાં બંધ છે. પાકિસ્તાન સરકારની સેનેટ સ્ટેન્ડિંગ કમિટીમાં જણાવવામાં આવ્યું હતું કે વિદેશમાં મોટી સંખ્યામાં પાકિસ્તાની નાગરિકો ભીખ માંગવામાં વ્યસ્ત છે, જેના કારણે તેમને જેલમાં જવું પડે છે.

ઓવરસીઝ પાકિસ્તાની મંત્રાલયના સચિવ જીશાન ખાનઝાદાએ સ્ટેન્ડિંગ કમિટીને જણાવ્યું કે પાકિસ્તાનના લગભગ 10 લાખ નાગરિકો વિદેશમાં છે, જેમાંથી મોટી સંખ્યામાં ભીખ માંગવામાં વ્યસ્ત છે. પાકિસ્તાનના આ લોકો વિઝા લઈને બીજા દેશોમાં ભીખ માંગવા લાગે છે. તેમણે કહ્યું કે ઘણા મામલાઓમાં પાકિસ્તાનથી જતું જહાજ સંપૂર્ણ રીતે ભિખારીઓથી ભરેલું હોય છે. આરબ દેશોમાં અટકાયતમાં લેવાયેલા ભિખારીઓમાં 90 ટકા પાકિસ્તાની છે. વિદેશમાં પાકિસ્તાની નાગરિકોની મોટી વસ્તી ભીખ માંગવામાં વ્યસ્ત છે.

પાકિસ્તાનના ભિખારીઓ ઈરાન અને સાઉદીની જેલોમાં બંધ છે

તેમણે કહ્યું કે ભીખ માંગવામાં રોકાયેલા પાકિસ્તાનીઓની મોટી વસ્તી પણ કાયદાકીય અવરોધોનો સામનો કરી રહી છે. વિદેશમાં પકડાયેલા ભિખારીઓમાં 90 ટકા પાકિસ્તાની મૂળના છે. ઈરાક અને સાઉદી અરેબિયાના રાજદૂતોએ કહ્યું છે કે તેમની જેલો પાકિસ્તાનના ભિખારીઓથી ભરેલી છે. ખાનઝાદાએ જણાવ્યું હતું કે સાઉદી અરેબિયામાં પકડાયેલા પિકપોકેટ્સમાં ઘણા પાકિસ્તાની છે અને તેઓ સામાન્ય રીતે ઉમરાહ વિઝા પર ભીખ માંગવા સાઉદી અરેબિયા જાય છે. ઈરાન અને સાઉદી અરેબિયાએ વિરોધ કર્યો છે કે પાકિસ્તાનના ભિખારીઓએ તેમની જેલોમાં ભીડ વધારી છે.

પાકિસ્તાનની અર્થવ્યવસ્થા મુશ્કેલીમાં છે

પાકિસ્તાનમાં છેલ્લા એક વર્ષથી સ્થિતિ એવી જ છે. ઇન્ટરનેશનલ મોનેટરી ફંડ (IMF) સહિત ઘણા દેશો પાસેથી લોન લેવા છતાં પાકિસ્તાનની હાલત ખરાબ છે. દરમિયાન વિશ્વ બેંકના એક અહેવાલે દેશને વધુ મુશ્કેલીમાં મુકી દીધો છે. આ રિપોર્ટમાં કહેવામાં આવ્યું છે કે પાકિસ્તાનમાં ગરીબીનો ગ્રાફ ઝડપથી વધી રહ્યો છે. પાકિસ્તાનમાં ગરીબી હવે વધીને 39.4 ટકા થઈ ગઈ છે.

વર્લ્ડ બેંકના રિપોર્ટમાં જણાવવામાં આવ્યું છે કે ગત નાણાકીય વર્ષમાં પાકિસ્તાનમાં ગરીબી વધીને 39.4 ટકા થઈ ગઈ છે. નબળી આર્થિક સ્થિતિને કારણે 1.25 કરોડથી વધુ લોકો તેનો શિકાર બન્યા છે અને દેશે નાણાકીય સ્થિરતા હાંસલ કરવા માટે તાત્કાલિક પગલાં ભરવા પડશે. પાકિસ્તાનમાં એક વર્ષમાં ગરીબી 34.2 ટકાથી વધીને 39.4 ટકા થઈ ગઈ છે. આ સાથે 1.25 કરોડથી વધુ લોકો ગરીબી રેખા નીચે આવી ગયા છે.

આ પણ વાંચો : ટાઇમ પર ન પહોંચી પત્ની, પતિએ એરપોર્ટ પર છોડી એકલાજ ફ્લાઇટ પકડી લીધી, લોકોએ કહ્યું બિલકુલ બરાબર કર્યુ