બોલીવુડ ક્વીન ઐશ્વર્યા રાય પર પાકિસ્તાની મૌલાનાનું વિવાદીત નિવેદન, કહ્યું. 'બે-ચાર મહિનામાં.....'

• પાકિસ્તાનના મૌલાનાની જીભ અને નિયત બંને લપસી
• ઐશ્વર્યા રાયને લઇને પોડકાસ્ટમાં વિવાદીત ટિપ્પણી કરી
• મૌલાનાએ લગ્ન કરવા સુધીની લવારી કરી દીધી

Pakistani Maulana On Aishwarya Rai : બોલીવુડની બ્યુટી ક્વીન, મિસ વર્લ્ડ અને બચ્ચન પરિવારની પુત્રવધૂ ઐશ્વર્યા રાયે પોતાની અભિનય અને સુંદરતા માટે વિશ્વભરમાં પ્રશંસા પ્રાપ્ત કરી છે. ભારત અને વિદેશમાં પણ તેમના કરોડો ચાહકો છે. ક્યારેક, ચાહકો જુસ્સાથી આગળ વધે, અથવા કોઈ અપમાનજનક વર્તન કરે છે, તો તે એકદમ શાંતિથી પરિસ્થિતી સંભાળી લે છે. જો કે, પાકિસ્તાની ધર્મગુરુએ ઐશ્વર્યા રાય વિશે જે કહ્યું, તેને ગાંડપણની પરાકાષ્ઠા કહેવું ખોટું નહીં હોય (Pakistani Maulana On Aishwarya Rai).

ધર્માંતરણ બાદ લગ્ન કરશે

પાકિસ્તાની ધર્મગુરુનો એક વીડિયો ક્લિપ સામે આવ્યો છે, જેમાં તે દાવો કરે છે કે, બોલીવુડ અભિનેત્રી ઐશ્વર્યા રાય તેને બે થી ચાર મહિનામાં લગ્નનો પ્રસ્તાવ મોકલશે (Pakistani Maulana On Aishwarya Rai). ધર્મગુરુએ એમ પણ કહ્યું કે, તે ઐશ્વર્યા રાયનું ધર્માંતરણ કરાવશે, અને પછી તેની સાથે લગ્ન કરશે. વધુમાં, આ ધર્મગુરુએ ઐશ્વર્યા રાય માટે મુસ્લિમ નામ પણ વિચાર્યું છે.

કોણ છે વિવાદીત મૌલાના

ઐશ્વર્યા રાય વિશે વિવાદીત નિવેદન આપનાર ધર્મગુરુનું નામ અબ્દુલ કાવી છે. તેનો જન્મ મુલતાનમાં થયો હતો, અને હવે તે 60 વર્ષથી વધુ ઉંમરનો છે. આ માણસ ધાર્મિક ચર્ચાઓ કરતાં વિવાદાસ્પદ નિવેદનોમાં વધુ રસ ધરાવે છે (Pakistani Maulana On Aishwarya Rai). તાજેતરમાં, તેણે રાખી સાવંત વિશે પણ આવું જ નિવેદન આપ્યું હતું, જેમાં દાવો કરવામાં આવ્યો હતો કે, તેણીએ તેને પ્રપોઝ કર્યું હતું.

ધર્મગુરુએ ઐશ્વર્યા રાય વિશે શું કહ્યું ?

એક પોડકાસ્ટ વિડીયોમાં, મુફ્તી કાવીએ જણાવ્યું હતું કે ઐશ્વર્યા રાય અને તેના પતિ અભિષેક બચ્ચન વચ્ચેના સંબંધો બગડી રહ્યા છે. પોડકાસ્ટમાં, મૌલવી કહે છે, "મેં સાંભળ્યું છે કે, આ દંપતી (અભિષેક અને ઐશ્વર્યા) વચ્ચે છૂટાછેડા થઈ રહ્યા છે... ભગવાન ના કરે, એવું નહીં થાય, પરંતુ જો અલગ થઈ જાય, તો, ભગવાનની ઇચ્છા મુજબ, બે થી ચાર મહિનામાં, તેણી (ઐશ્વર્યા) તરફથી લગ્નનો પ્રસ્તાવ આવશે (Pakistani Maulana On Aishwarya Rai)." પાકિસ્તાની મૌલવીએ ઐશ્વર્યાના ઇસ્લામ ધર્મ સ્વીકારવા વિશે પણ વાત કરી હતી. કાવીએ કહ્યું, "લગ્ન પછી, હું ઐશ્વર્યા રાયનું નામ આયેશા રાય રાખીશ. મજા આવશે."

મૌલાનાનો વિવાદ જોડે જુનો નાતો છે

અગાઉ, મૌલાના મુફ્તી કાવી અને હરિમ શાહનો એક વીડિયો 2021 માં વાયરલ થયો હતો. તેમાં, હરિમ શાહે તેમના પર ઉત્પીડનનો આરોપ લગાવ્યો હતો. જોકે, મૌલાના કાવીએ આ આરોપોને નકારી કાઢ્યા હતા. થોડા વર્ષો પહેલા અબ્દુલ કાવીનો લોકપ્રિય પાકિસ્તાની ઇન્ફ્લુએન્સર કંદીલ બલોચ સાથે પણ વિવાદ થયો હતો. કંદીલ બલોચે એક વીડિયો બહાર પાડ્યો હતો જેમાં દાવો કરવામાં આવ્યો હતો કે મુફ્તીએ તેને એક હોટલમાં મીટિંગ માટે આમંત્રણ આપ્યું હતું. જ્યારે મુફ્તીએ તેનો વિરોધ કર્યો, ત્યારે કંદીલ બલોચે હોટલના ઘણા વીડિયો લીક કર્યા જેમાં તે સિગારેટ માંગતો અને ક્યારેક તેને પોતાની નજીક બેસવાનું કહેતો જોવા મળ્યો. બાદમાં, કંદીલ બલોચના પિતાએ મુફ્તી કાવી પર કંદીલની હત્યાનું આયોજન કરવાનો આરોપ લગાવ્યો, જોકે આ દાવાઓ ક્યારેય કોર્ટમાં સાબિત થયા ન હતા.

આ પણ વાંચો -------  UAE એ પાકિસ્તાનીઓના વિઝા પર રોક લગાવી, ભીક્ષાવૃત્તિ અને ગુનાખોરીમાં સંડોવણી બાદ પગલું ભર્યું