Palanpurની નાનકડી નિક્ષાએ ચલાવી 4554 કિલોમીટર સાયકલ, વાવ્યા 1 લાખ વૃક્ષ
- Palanpur : 8 વર્ષની નિક્ષા બારોટની અદભૂત સાયકલ યાત્રા : અરુણાચલથી મુંદ્રા સુધી 4554 કિમી, 1 લાખથી વધુ વૃક્ષારોપણ
- પાલનપુરની નાની નિક્ષા બારોટ બની પ્રેરણા : “પેડલ ટુ પ્લાન્ટ” અભિયાનથી પર્યાવરણ જાગૃતિ
- એવરેસ્ટ વિજેતા નિશા કુમારી સાથે નિક્ષા બારોટની ઐતિહાસિક યાત્રા : 7 રાજ્યોમાં વૃક્ષારોપણ
- “પેડલ ટુ પ્લાન્ટ” મિશન સફળ : 8 વર્ષીય નિક્ષા બારોટે 4600 કિમી સાયકલિંગ પૂર્ણ કરી
- ગુજરાતની નિક્ષા બારોટની હિંમત : અરુણાચલથી ગુજરાત સુધી પર્યાવરણ માટે સાયકલ યાત્રા
Palanpur : બનાસકાંઠાના (Banaskantha) પાલનપુરની (Palanpur) માત્ર 8 વર્ષની નિક્ષા બારોટે (Niksha Barot ) એવું અસાધારણ કાર્ય કરી બતાવ્યું છે કે આજે તે માત્ર ગુજરાતમાં જ નહીં, પરંતુ સમગ્ર દેશમાં પ્રેરણારૂપ બની છે. નાની ઉંમરે પણ મોટી હિંમત અને પર્યાવરણ પ્રત્યેની ગહન લાગણી સાથે નિક્ષાએ “પેડલ ટુ પ્લાન્ટ” થીમ (Pedal to Plant Campaign) હેઠળ એક ઐતિહાસિક સાયકલ યાત્રા પૂર્ણ (Niksha Barot Cycle Journey) કરી છે. આ યાત્રા દેશના પૂર્વ છેડે આવેલા અરુણાચલ પ્રદેશથી શરૂ થઈ અને ગુજરાતના મુંદ્રા સુધી પહોંચી (Arunachal to Mundra Cycling) જેમાં કુલ 4,554 કિલોમીટરથી વધુની સફર કરવામાં આવી હતી.
7 રાજ્યોના 100થી વધુ શહેરોમાંથી પસાર થઈ સાયકલ યાત્રા
આ યાત્રા અંદાજે 60થી 64 દિવસ સુધી ચાલી જેમાં નિક્ષા 7 રાજ્યોના 100થી વધુ શહેરો અને ગામોમાંથી પસાર થઈ. દરેક સ્થળે તેણે પર્યાવરણ સંરક્ષણનો મજબૂત સંદેશ આપ્યો અને વૃક્ષારોપણ કર્યું. આ અભિયાનની સૌથી મોટી ખાસિયત એ છે કે સમગ્ર યાત્રા દરમિયાન એક લાખથી વધુ છોડનું વૃક્ષારોપણ કરવામાં આવ્યું. રસ્તામાં આવતા દરેક શહેરમાં સ્થાનિક લોકો, વિદ્યાર્થીઓ અને સામાજિક સંસ્થાઓને જોડીને આ કાર્ય કરવામાં આવ્યું, જેનાથી આ યાત્રા માત્ર વ્યક્તિગત પ્રયાસ ન રહી, પરંતુ એક જનઆંદોલન બની ગઈ.
Palanpur | 8 વર્ષની નિક્ષા બારોટ સમગ્ર દેશ માટે બની પ્રેરણારૂપ | Gujarat First
પાલનપુરની 8 વર્ષની નિક્ષા બારોટ સમગ્ર દેશ માટે બની પ્રેરણારૂપ
અરુણાચલ-મુંદ્રા 4600 કિમી 'પેડલ ટુ પ્લાન્ટ' અભિયાન પૂર્ણ
નિક્ષાએ અભિયાનમાં જોડાઈ 4,554 કિલોમીટર સાયકલ ચલાવી
60થી વધુ દિવસોમાં 7 રાજ્યોના… pic.twitter.com/IF4NoGj7Z7— Gujarat First (@GujaratFirst) January 7, 2026
નાનકડી ઉંમરે નીક્ષાની દ્રડતા
આ યાત્રામાં નિક્ષા બારોટ સાથે વડોદરાની એવરેસ્ટ વિજેતા અને પ્રખ્યાત સાયકલિસ્ટ નિશા કુમારી, (Nisha Kumari) કોચ નિલેશ બારોટ (Nilesh Barot) અને અન્ય સાયકલિસ્ટો જોડાયા હતા. નિશા કુમારીએ દરેક શહેરમાં પ્રેરણાત્મક પ્રવચનો આપીને લોકોમાં પર્યાવરણ જાગૃતિ ફેલાવી અને ખાસ કરીને બાળકોને કુદરત સાથે જોડાવાનો સંદેશ આપ્યો. નિક્ષાની નાની ઉંમર હોવા છતાં તેની દ્રઢતા અને ઉત્સાહે દરેકને આશ્ચર્યચકિત કર્યા. કડક હવામાન, લાંબા રસ્તાઓ અને શારીરિક થાક વચ્ચે પણ તેણે પોતાના લક્ષ્યથી ક્યારેય વિમુખ ન થવાનું સાબિત કર્યું.
“ચેન્જ બિફોર ક્લાઈમેટ ચેન્જ”
આ અભિયાનનું સમાપન 31 ડિસેમ્બરે મુંદ્રાના અદાણી હાઉસ ખાતે ભવ્ય સ્વાગત સાથે થયું. આ યાત્રા ફિટ ઇન્ડિયા ચળવળ અને પર્યાવરણ સંરક્ષણના સંદેશને વેગ આપવા માટે શરૂ કરવામાં આવી હતી. નિક્ષા અને તેની ટીમે “ચેન્જ બિફોર ક્લાઈમેટ ચેન્જ” જેવા સ્લોગન સાથે લોકોને હરિત ભવિષ્ય તરફ આગળ વધવા પ્રેરિત કર્યા.
નિક્ષાએ અનેક બાળકોને આપ્યું પ્રોત્સાહન
પાલનપુરની આ નાનકડી નિક્ષા બારોટ આજે સાબિત કરી રહી છે કે ઉંમર કોઈ અવરોધ નથી. તેની આ યાત્રા આવનારી પેઢી માટે એક જીવંત ઉદાહરણ છે કે જો સંકલ્પ મજબૂત હોય તો કોઈપણ બાળક પર્યાવરણ બચાવવા જેવા મોટા કાર્યો કરી શકે છે. આ અભિયાનથી પર્યાવરણ જાગૃતિનો નવો પ્રકાશ ફેલાયો છે અને નિક્ષા જેવા બાળકોને વધુ પ્રોત્સાહન મળશે.
નાનકડી નિક્ષાએ યાદ અપાવી દીધું છે કે પર્યાવરણ બચાવવું એ આપણા દરેકની જવાબદારી છે. નિક્ષાની આ સફળતા ગુજરાત તથા દેશ માટે ગર્વની વાત છે અને તેના જેવા પ્રયાસોને વધુ સમર્થન મળવું જોઈએ.
આ પણ વાંચો- અમદાવાદમાં પ્રદૂષિત પાણીના 26 High Risk વિસ્તાર : વોટર સપ્લાય કમિટી ચેરમેનનું મોટું નિવેદન