Patan APMC માં ચેરમેન પદ માટે જંગ, સર્વોચ્ચ પદ માટે આજે આવી શકે છે નિર્ણય

આ વખતની ચૂંટણીમાં પ્રબળ દાવેદારો છે

સરસ્વતી એપીએમસીની હકીકત વધુ ચોંકાવનારી છે. વર્ષ 2007માં પાટણ એપીએમસીમાંથી વિભાજન થયા બાદ કોર્ટ કેસને કારણે લાંબા સમય સુધી પ્રક્રિયા અટવાઈ હતી. ત્યારબાદ 2018માં પ્રથમ ચૂંટણી યોજાઈ હતી.

પરંતુ એપીએમસી પાસે ન તો પોતાની જમીન હતી, ન બિલ્ડિંગ અને ન બજાર સંબંધિત કોઈ ખરીદ-વેચાણની ગતિવિધિ. ફંડના અભાવ હતો. વર્ષ 2023માં સરકાર સમક્ષ ફંડ માટે દરખાસ્ત કરાયા બાદ નિયામકે પાટણ એપીએમસીમાંથી અંદાજે રૂ.12.84 કરોડ ફાળવવાનો હુકમ કર્યો હતો.

ચાણસ્મા APMC ચેરમેન-વાઇસ ચેરમેનની વરણી કરાઈ છે

ચાણસ્મા APMC ના ચેરમેન તરીકે કૌશિકભાઈ શંકરલાલ પટેલ અને વાઇસ ચેરમેન તરીકે કુંજનભાઈ પટેલની સર્વાનુમતે બિનહરીફ વરણી કરવામાં આવી છે. અગાઉના પ્રમુખ દશરથભાઈ પટેલ અને ઉપપ્રમુખ વાસુદેવભાઈ પટેલની અઢી વર્ષની મુદત પૂર્ણ થતાં નવા હોદ્દેદારોની નિમણૂક માટે કાર્યવાહી હાથ ધરવામાં આવી હતી. ડિરેક્ટરો દ્વારા કૌશિકભાઈ પટેલ અને કુંજનભાઈ પટેલના નામોની જાહેરાતને સર્વાનુમતે સ્વીકારવામાં આવી હતી.

રાધનપુર કારોબારી ચેરમેન તરીકે તારાબેન ઠાકોરની વરણી કરાઈ

રાધનપુર તાલુકા પંચાયતમાં તાજેતરમાં યોજાયેલી તાલુકા પંચાયતની ચૂંટણીમાં 18 બેઠકોમાંથી ભારતીય જનતા પાર્ટીએ 16 બેઠકો પર ભવ્ય વિજય મેળવ્યા બાદ પ્રમુખ અને ઉપપ્રમુખની વરણી કરવામાં આવી હતી. ત્યારબાદ આજે રાધનપુર તાલુકા પંચાયત કચેરી ખાતે વિવિધ સમિતિઓ અને હોદ્દાઓ માટે વરણી કરવામાં આવી હતી.

આ પણ વાંચો : Mehsana : મુસાફર એસટી ડેપો પર ગંદકી કરશે તો થશે રૂ.200 નો દંડ, સ્વચ્છતા તો રાખવી જ પડશે