Patan પોલીસને મોટી સફળતા, રહેણાંક મકાનમાંથી ઝડપાયો 9 કિલોથી વધુનો ગાંજો

આરોપીઓની સઘન પૂછપરછ પોલીસે કરી શરૂ

પોલીસે ગાંજાની સાથે મોબાઈલ ફોન અને અન્ય વસ્તુઓ મળીને કુલ રૂ.5 લાખથી વધુનો મુદ્દામાલ કબજે કર્યો છે. આ કેસમાં પોલીસ દ્વારા રાધનપુરના રહેવાસી આનંદ ઠાકોર અને બનાસકાંઠાના દાંતાના લાધાભાઈ કોદરવીની ધરપકડ કરવામાં આવી છે.

પ્રાથમિક તપાસમાં સામે આવ્યું છે કે આ ગાંજાની ડિલિવરી દાંતાથી રાધનપુર પહોંચાડવામાં આવી હતી, જેનો અર્થ એ છે કે નશાનો આ વેપાર જિલ્લાઓની સરહદો ઓળંગીને વિસ્તરેલો છે. પોલીસ આંતર-જિલ્લા ડ્રગ્સ નેટવર્કને તોડવા માટે આરોપીઓની સઘન પૂછપરછ કરી રહી છે.

9.690 કિલો ગાંજો મળી આવ્યો

બંને આરોપીઓ વિરૂદ્ધ એન.ડી.પી.એસ. (NDPS) એક્ટ હેઠળ ગુનો નોંધીને પોલીસે કાયદેસરની કાર્યવાહી હાથ ધરી છે. આ સફળ રેઇડથી સ્પષ્ટ થાય છે કે પોલીસ સુરક્ષા વ્યવસ્થાને લઈને કેટલી સજાગ છે.

યુવાનોને નશાની લતથી બચાવવા માટે સ્થાનિક પ્રશાસન આવા ગેરકાયદેસર પ્રવૃત્તિઓ કરનાર તત્વો સામે કડક વલણ અપનાવી રહ્યું છે. આવનારા દિવસોમાં તપાસ દરમિયાન આ કેસમાં અન્ય કોઈના નામ ખુલે છે કે કેમ, તે જોવું મહત્વનું રહેશે.

આ પણ વાંચો : Headline 03 PM : વાંચો બપોરના 12 થી બપોરના 3 વાગ્યા સુધીના મહત્વના સમાચાર એક કિલક પર