Patan: સાંતલપુર હાઈવે બન્યો રક્તરંજિત, અકસ્માતમાં એક જ પરિવારના 4ના મોત

• Patan ના સાંતલપુર હાઈવે પર કાળમુખો અકસ્માત, 4નાં મોત
• ગરામડી ગામ પાસે ટેન્કર અને કાર વચ્ચે સર્જાયો ગોઝારો અકસ્માત
• ધાર્મિક સ્થળેથી પરત ફરતા એક જ પરિવારના 4 સભ્યો મોતને ભેટ્યા
• અકસ્માતમાં પતિ, પત્ની, પુત્ર અને દાદાનું ઘટનાસ્થળે જ કરુણ નિધન
• ગંભીર રીતે ઘવાયેલા અન્ય 3 લોકોને તાત્કાલિક હોસ્પિટલ ખસેડાયા
• અકસ્માતની તીવ્રતા એટલી હતી કે કારનો કચ્ચરઘાણ નીકળી ગયો

Patan સાંતલપુર નેશનલ હાઇવે પર આજે એક અત્યંત હૃદયદ્રાવક અને ગમખ્વાર અકસ્માત (Road Accident) સર્જાયો છે. સાંતલપુરના ગરામડી ગામ પાસે મોડી રાત્રે એક બેફામ ગતિએ આવતા ટેન્કર અને કાર વચ્ચે જોરદાર ટક્કર થઈ હતી. આ ગોઝારા અકસ્માતમાં કારમાં સવાર એક જ પરિવારના 4 લોકોના ઘટનાસ્થળે જ કરુણ મોત નીપજ્યા છે, જ્યારે અન્ય 3 લોકો ગંભીર રીતે ઈજાગ્રસ્ત થયા છે.

Patan : માં 4 લોકોના મોત થયા

પ્રાપ્ત વિગતો અનુસાર, આ કમનસીબ પરિવાર કોઈ ધાર્મિક સ્થળે (Religious Place) દર્શન કરીને પોતાના ઘરે પરત ફરી રહ્યો હતો. આ દરમિયાન ગરામડી ગામ પાસે તેમની કાર અને ટેન્કર વચ્ચે જીવલેણ અકસ્માત સર્જાયો હતો. અકસ્માત એટલો ભયાનક હતો કે કારનો કચ્ચરઘાણ નીકળી ગયો હતો. આ દુર્ઘટનામાં પતિ, પત્ની, તેમનો પુત્ર અને દાદા એમ કુલ ચાર સભ્યોના પ્રાણ પંખેરુ ઉડી ગયા હતા. એક જ પરિવારના ત્રણ પેઢીના સભ્યોના મોતને પગલે પંથકમાં અરેરાટી વ્યાપી ગઈ છે.આ ગોઝારા અકસ્માતમાં કારમાં સવાર એક જ પરિવારના 4 લોકોના ઘટનાસ્થળે જ કરુણ મોત નીપજ્યા છે, જ્યારે અન્ય 3 લોકો ગંભીર રીતે ઈજાગ્રસ્ત થયા છે.

હસતા-રમતા પરિવાર પર કાળ ત્રાટક્યો

ઘટનાની જાણ થતા જ સ્થાનિક લોકો અને પોલીસ કાફલો ઘટનાસ્થળે દોડી આવ્યો હતો. કારમાં ફસાયેલા ઈજાગ્રસ્તોને ભારે જહેમત બાદ બહાર કાઢી તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે. તબીબોના જણાવ્યા અનુસાર, ઈજાગ્રસ્તોની હાલત પણ નાજુક છે. પોલીસે મૃતદેહોને પોસ્ટમોર્ટમ (Post-Mortem) માટે ખસેડી ટેન્કર ચાલક વિરુદ્ધ ગુનો નોંધવાની તજવીજ હાથ ધરી છે. હાઈવે પર આ અકસ્માતને કારણે થોડો સમય ટ્રાફિક જામના દ્રશ્યો પણ સર્જાયા હતા. હસતા-રમતા પરિવાર પર કાળ ત્રાટકતા આખા ગામમાં માતમ છવાઈ ગયો છે.

આ પણ વાંચો : Ahmedabad ગ્લોબલ સ્પોર્ટ્સ હબ બનવા સજ્જ, CWG ના પ્રતિનિધિમંડળે રિવરફ્રન્ટ ખાતે સુવિધાઓની સમીક્ષા કરી